Elimizdiń sý qoımalarynda erigen qar sýyn qabyldaý úshin bos oryn daıyndalýda
Kelesi jylǵy sý tasqyny kezeńine daıyndyq aıasynda «Qazsýshar» fılıaldary elimizdiń soltústik, batys, ortalyq jáne shyǵys óńirlerindegi sý qoımalarynda bos oryndy qamtamasyz etý boıynsha jumys júrgizip jatyr, dep habarlaıdy aqshamnews.kz Cý resýrstary jáne ırrıgasıa mınıstrligine silteme jasap.
Búgingi tańda Qostanaı, Aqtóbe jáne Batys Qazaqstan oblystarynyń sý qoımalary jumysynyń kestesi ázirlendi. Qostanaı oblysyndaǵy Qaratomar sý qoımasynan sekýndyna 50 tekshe metr sý jiberilýde.
Aqtóbe oblysyndaǵy Qarǵaly sý qoımasynan sekýndyna 15 tekshe metr, Aqtóbe sý qoımasynan sekýndyna 0,5 tekshe metr sý jiberilip jatyr. Bul rette 23 tamyzdan 1 qazan aralyǵynda Aqtóbe sý qoımasynan 107,1 mln tekshe metr sý jiberildi.
BQO-da Kırov sý qoımasynan sekýndyna 3 tekshe metr, Bitik sý qoımasynan sekýndyna 13 tekshe metr sý aǵyzylady. Dóńgelek sý qoımasynan sekýndyna 6 tekshe metr, Pátımarsk sý qoımasynan sekýndyna 5 tekshe metr sý jiberilýde.
«Basqa óńirlerden aıyrmashylyǵy, Qazaqstannyń ońtústigindegi sý qoımalary sý jınaý rejıminde jumys isteıdi. Kóktemde elimizdiń sý qoımalary 75 mıllıard tekshe metr sý jınap, erigen sýdy qaýipsiz ótkizýdi qamtamasyz etti. Bul ótken jylmen salystyrǵanda 15 mlrd tekshe metrge artyq. Bul kólemniń 12 mlrd tekshe metrden astamy tasqyn sý», - dedi Sý resýrstary jáne ırrgasıa vıse-mınıstri Nurlan Aldamjarov.
