Almatydaǵy kreatıvti ındýstrıaǵa venchýrlyq qor serpin beredi
Bul týraly ÓKQ brıfıńinde Almaty qalasy kásipkerlik jáne ınvestısıalar basqarmasynyń basshysy Berik Soltanbaev aıtty. Ol kreatıvti ındýstrıa álemdik ekonomıkadaǵy basym salanyń biri ekenin atady. Onyń áleýetin eskere otyryp, megapolıs aıasynda osy salany tıimdi ári sapaly damytýdyń oń sheshimi tabyldy.
«Byltyr Memleket basshysy qala halqymen kezdesý barysynda bastapqy kapıtaly 10 mlrd teńgege bolatyn kreatıvti ındýstrıanyń qalalyq venchýrlyq qoryn qurý jónindegi bastamany qoldady, onyń 5 mlrd-y jergilikti búdjetten bólindi, qalǵan 5 mlrd-y jeke ınvestısıalar esebinen tartyldy», - dedi Berik Soltanbaev.
Kásipkerlik jáne ınvestısıalar basqarmasynyń basshysy qor AHQO-da qazan aıynda tirkelgen soń ony iske qosýdyń josparlanyp otyrǵanyn jetkizdi.