Reseı Federasıasynyń qoldanystaǵy zańnamasyna sáıkes "garmala" ("adyraspan") ósimdigi quramynda esirtki nemese psıhotroptyq zattar nemese olardyń prekýrsorlary bar ósimdikter tizimine engizilgen, dep habarlaıdy Almaty-akshamy.kz Bas prokýratýraǵa silteme jasap.
Bul ósimdikti Reseı Federasıasynyń Memlekettik shekarasy arqyly zańsyz ótkizgeni úshin úsh jyldan jeti jylǵa deıingi merzimge bas bostandyǵynan aıyrý jáne bir mıllıon rúblge deıingi nemese sottalǵan adamnyń bes jylǵa deıingi kezeńde jalaqysy nemese basqa kirisi mólsherinde aıyppul túrinde nemese onsyz jáne bir jylǵa deıingi merzimge bas bostandyǵyn shekteýmen nemese onsyz qylmystyq jaýaptylyq qarastyrylǵan, al ósimdikti asa iri mólsherde ákelgeni úshin - 15 jyldan 20 jylǵa deıin bas bostandyǵynan aıyrý kózdelgen.
Reseı Federasıasynyń aýmaǵyna demalys kezinde ketetin azamattar sanynyń artýyna baılanysty, qylmystyq jaýapkershilikti boldyrmaý úshin Bas prokýratýra azamattarǵa atalǵan ósimdikti Reseı Federasıasynyń Memlekettik shekarasy arqyly ótkizýden bas tartýdy eskertedi.