QR Úkimetiniń qaýlysymen Ádilbek Zeınýllauly Sársembaev QR Indýstrıa jáne ınfraqurylymdyq damý vıse-mınıstri qyzmetinen bosatyldy. Bul týraly Almaty-akshamy.kz Inform.kz-ke silteme jasap habarlaıdy.
Ádilbek Sársembaev 1978 jyly Selınograd qalasynda (qazirgi Nur-Sultan qalasy) dúnıege kelgen.
Qazaq memlekettik zań akademıasyn «ıýrısprýdensıa» mamandyǵy boıynsha bitirgen.
Eńbek jolyn 1996 jyly QR QM Salyq ınspeksıasynyń jeke tulǵalardyń kiristerine salyq salý bóliminiń salyq ınspektory bolyp bastady.
2001 jyldan 2006 jylǵa deıin Astana qalasy ákiminiń apparatynda, QR Kólik jáne komýnıkasıalar mınıstrliginde, QR Prezıdenti Ákimshiliginde túrli basshylyq qyzmetter atqardy.
2007-2009 jyldary — Petropavl qalasy ákiminiń birinshi orynbasary, SQO ákimi apparatynyń basshysy.
Túrli jyldary jeke menshik qurylymdarda jumys istedi, ulttyq kompanıalar men memlekettik mekemelerde basshylyq qyzmetterde boldy.
2016-2020 jyldary Nur-Sultan qalasyndaǵy Almaty aýdanynyń ákimi qyzmetin atqardy.
2020-2021 jyldary — «Qazaqstan ınjınırıń» UK» AQ basqarma tóraǵasy.
2021 jylǵy naýryzdan bastap QR ındýstrıa jáne ınfraqurylymdyq damý vıse-mınıstri bolyp qyzmet etti.