Búgin qazaqstandyq tenısshilerdiń jańartylǵan álemdik reıtıńidegi orny belgili boldy, dep habarlaıdy Almaty-akshamy.kz Inform.kz-ke silteme jasap.
Áıelder tenısi qaýymdastyǵy (WTA) reıtıńisinde Qazaqstannyń birinshi raketkasy Elena Rybakına 25-ornyn saqtap qalsa, Iýlıa Pýtınseva 39-dan 38-ge joǵarylady.
Reıtıń kóshin burynǵysha Polsha ókili Iga Sventek bastasa, estonıalyq Anett Kontaveıt - ekinshi, grekıalyq Marıa Sakkarı úshinshi orynǵa jaıǵasqan.
Qazaqstandyq Anna Danılına juptyq synda 20-dan 19-ǵa aýysyp, óziniń jeke rekordyn qaıtalady. E.Rybakına 106-satyda (+2) tur.
Kásipqoı tenısshiler qaýymdastyǵy (ATP) reıtıńisinde elimizdiń birinshi raketkasy Aleksandr Býblık 47-satydan ózgermese, Mıhaıl Kýkýshkın 215-ten 214-ke, Dmıtrıı Popko 236-dan 232-ge kóterildi. Tımofeı Skatov 250-inshi, Denıs Evseev 268-orynda (-2) keledi.
Úzdik úshtikte ózgeris joq: reseılik Danııl Medvedev, germanıalyq Aleksandr Zverev, ıspanıalyq Rafael Nadal qamshy saldyrar emes.
Juptyq synda Andreı Golýbev 46-ornyn saqtap qalsa, Aleksandr Nedovesov 57-den 58-ge syrǵydy.