Ádep kodeksiniń basty maqsaty sybaılas jemqorlyqtyń aldyn alýǵa jáne qyzmettik ádep normalaryn buzýshylyqtardyń, dálirek aıtqanda memlekettik qyzmetke nuqsan keltiretin tártiptik teris qylyqtardy aldyn alýǵa arnalǵan is-qımyldardy jasaý, memlekettik qyzmetshilerdiń ádep kodeksin saqtaýdaǵy jaýaptylyq deńgeıin kóterýdi úılestirýge baılanysty is-sharalardy qabyldaý jáne memlekettik organdardyń ádep jónindegi komısıalarymen ózara is-qımyl boıynsha usynymdardy jáne usynystardy ázirleý bolyp tabylady.
Memlekettik qyzmetker – bul memleketimizdiń beınesi jáne aınasy bolyp tabylady dep aıtsaq ta artyq emes. Soǵan baılanysty, memlekettik qyzmetker - memlekettiń ósýi men órkendeýi onyń eńbeginiń nátıjesi ekenin umytpaýy tıis. Memlekettik qyzmetker degen bıik dárejege jetý jáne sol dárejege kir keltirmeı ustap ótý - ár azamattyń basty mindeti. Tek birigip eńbek etý jáne memlekettik qyzmetkerlik etıkany oryndaý arqyly ǵana biz osyndaı bıik jetistikter men deńgeılerge jete alamyz.
Memlekettik qyzmetker úshin negizgi qabyldanǵan ádep normalaryn saqtaý - óte basty másele, óıtkeni ol qyzmet barysynda tikeleı qoǵammen jumys júrgizedi jáne ártúrli tulǵalarmen únemi baılanysta bolady. Sonymen qatar, memlekettik qyzmetkerdiń syrtqy beınesi, kıim úlgisi, is áreketi, sóıleý máneri, oı-pikiri, jeke qasıetteri - barlyǵy da adamǵa nuqsan keltirmeıtindeı qyzmet etý kerek. Osy atalǵandardyń barlyǵyn saqtaý úshin etıkettiń prınsıpterin ustaný kerek.
Memlekettik qyzmetshi jan-jaqty damyǵan tulǵa bolýy tıis, únemi salaýatty ómir saltyn ustanýy jáne otbasy qundylyqtaryn nasıhattaýy qajet. Budan basqa, jumystan tys ýaqytta ózin rýhanı damytýǵa da kóńil bólýi qajet.
Bul rette, adamnyń ar-namysyna til tıgizý, zańnamany buzý, qorshaǵan adamdardyń tártibi men qaýipsizdigine qol suǵý syndy adamgershilikke jatpaıtyn qylyqtarǵa jol bermeý kerek. Jumystan tys ýaqytta memlekettik qyzmetshi bedelin túsiretin jáne qoǵam tarapynan syn men aıyptaý týdyratyn jaǵdaıattardan aýlaq bolýy qajet.