Almaty qalasyn damytý baǵdarlamasy avtobýs parkin jańartý men ony ekologıalyq taza etýdi eskere otyryp, qoǵamdyq kólikti damytýǵa basymdyq beredi.
Bul týraly Almaty qalasynyń ákimi E.Dosaev Úkimettiń keńeıtilgen otyrysynda aıtty, dep habarlaıdy Almaty-akshamy.kz.
«Bıyl eki metro stansıasy iske qosyldy, 550 jańa avtobýs pen troleıbýs satyp alyndy (park 22,5%-ǵa jańartyldy), 2 magıstraldy kóshe uzartyldy, 25 km jańa jol salyndy, 200 km jolǵa ortasha jóndeý júrgizildi.
2023 jyly kólik ınfraqurylymyn damytý sheńberinde gazben júretin 300 jańa avtobýs pen 100 troleıbýs satyp alynady, 80 aıaldama ornatylady», - dedi Almaty ákimi E.Dosaev.
200 km jolǵa ortasha jóndeý júrgizilip, 30 km trotýar salynady, 2 kólik jolaıryǵy (Buqtyrma – Qulja kúre joly, Saın-Móńke bı kóshesi) aıaqtalady.
Nátıjesinde, jyldyń sońyna qaraı jaqsy jáne qanaǵattanarlyq jaǵdaıdaǵy joldardyń úlesi 89%-ke jetedi.
Qala aýdandary arasyndaǵy baılanysty qamtamasyz etý úshin Almaty aglomerasıasyn damytýdy eskere otyryp, 2040 jylǵa deıin Almaty qalasynyń kólik karkasyn damytýdyń sheberlik jospary ázirlenetin bolady.