«Adamdy kórikti etetin kıimi emes, ıgi isteri» deıdi halyq danalyǵy. Meıirimdilik qazirgi qoǵamda altynmen ólshenedi. Ókinishke qaraı, bul qasıet bárine birdeı berilmegen. Sondyqtan da jastarymyzdyń arasynda aınalaǵa nemquraıly qaramaıtyn, janashyr jandardy baıqap, atap ótý eki ese ǵanıbet.
Igi isterdiń biri kúni keshe quramynda «Almaty aqshamy» jáne «Vechernıı Almaty» gazetteri bar «Alatay Aqparat» medıaholdıngi ǵımaratynyń janynda boldy. Stýdent-jastar «Sizderdiń qyzmetkerlerińiz sómkelerin joǵaltyp alǵan joq pa?» - dep bizdiń redaksıamyzǵa keldi.
Belgili bolǵandaı, Almaty memlekettik kólik jáne komýnıkasıa kolejiniń (AGKTK) 1-kýrs stýdentteri Aqjol Ábdiqadyruly men Danıar Sáke kóshede kele jatyp, túsip qalǵan qol sómkege tap bolyp qalady. Sómkede ıesiniń jeke kýáligi, bank kartalary jáne aqsha bar. Ámıannyń ishinde 100 myń teńge bolǵan.
Beınebaqylaý kameralary arqyly mańaıdaǵy aýmaqty qarap, biz azyq-túlik dorbalaryn kótergen áıeldiń qolyndaǵy toryn jaı ǵana túsirip alǵanyn bildik.
Bir qyzyǵy, tabylǵan zattardy bizge ákelgen jigitter: «Sómkeni mindetti túrde úı ıesine qaıtarasyz ba?» – dep surady. Biz olarǵa tabylǵan zatty aman-esen jetkizýge kómektesemiz dep ýáde berip qana qoımaı, olar týraly fotosýretpen jazba jarıalaýdy jón kórdik.
Qazaqtyń osynaý jap-jas, jasy kishi bolsa da, qaımaǵy buzylmaǵan tektiligi bar balalary qurmet pen súıispenshilikke laıyq. Bolashaq temirjolshylar jýyrda ǵana alǵash ret aı saıynǵy 21 myń teńge kólemindegi járdemaqylaryn alǵandaryn aıtyp, barlyǵy ata-anasyn, aǵa-ápkelerin qýantýǵa asyqty.
«Biz bastapqyda prank dep oıladyq. Sómkeni ádeıi jerge qoıyp, bizdi synamaq boldy dep oıladyq», – deıdi kolej stýdentteri.
R.S. 1958 jyly dúnıege kelgen Ardaq Bolatqyzy Bektemirova joǵalǵan zattaryn «Alatay Aqparat» medıholdınginen alyp kete alady.
Saıda AHMEDOVA