Qazaqstannyń avıasıalyq ákimshiligi iPADIS halyqaralyq uıymymen ózara yntymaqtastyq týraly memorandýmǵa qol qoıdy.
Kelisim aıasynda QR IIDM Azamattyq avıasıa komıteti otandyq avıasıa salasynda tujyrymdamalyq jáne praktıkalyq tásilderdi arttyrýdy jáne halyqaralyq yntymaqtastyqtyń ozyq standarttaryn damytýdy kózdep otyr, dep habarlaıdy Almaty-akshamy.kz.
Sonymen qatar taraptar ushý qaýipsizdigi, aeronavıgasıalyq áleýet pen tıimdilik, avıasıalyq qaýipsizdik jáne rásimderdi ońaılatý, áýe kóligin ekonomıkalyq damytý jáne qorshaǵan ortany qorǵaý salalarynda tyǵyz yntymaqtastyq ornatýǵa nıetti.
«Osy qujat arqyly Qazaqstan Azamattyq avıasıa sektoryn damytý jónindegi óz mindettemelerin nyǵaıtady jáne elimizdiń avıasıalyq ákimshiligi iPADIS syndy irgeli uıymdarmen baılanysyn arttyrady. Bul – avıasıa sektoryna oń áser etetin ınovasıalyq ıdeıalardy ázirleýge tyń serpin bermek», - dep atap ótti Qazaqstannyń avıasıalyq ákimshiliginiń bas dırektory Katalın Radý.
Óz kezeginde iPADIS halyqaralyq uıymynyń prezıdenti Olýmýııva Benard Alıý Qazaqstannyń áýe ákimshiligimen tyǵyz áriptestik qarym-qatynas ornatýǵa múddeli ekendigin jetkizdi.
«Biz óz tarapymyzdan ınovasıalyq tehnologıalar, oqytý, jolaýshylar quqyǵyn qorǵaý jáne áýe tasymalynyń jalpyǵa birdeı qoljetimdiligi sıaqty mańyzdy máselelerde árdaıym qoldaý kórsetýge daıarmyz», - dedi Olýmýııva Benard Alıý.
Aıta keteıik, iPADIS álemdik avıasıa salasyndaǵy oń ózgeristerdi tıimdi qorǵaý úshin qurylǵan. Onyń negizgi mindeti – halyqaralyq, aımaqtyq jáne ulttyq deńgeıdegi avıasıa saıasaty men baǵdarlamalardy azamattyq qoǵam tarapynan ońtaıly qarastyrý. Uıymnyń shtab-páteri Kanadanyń Monreal qalasynda ornalasqan.