Kórme 2022 jyldyń qarasha aıyna deıin jalǵasady.
25 qazan Respýblıka kúnine arnap «Ǵylym ordasy» Arheologıa mýzeıi jáne Sırek kezdesetin kitaptar mýzeıiniń uıymdastyrýymen «Otyrar jáne Quıryq-tóbe qalashyqtarynyń qupıa qundylyqtary» atty ekspozısıalyq kórmeniń ashylýy ótti, dep habarlaıdy Almaty-akshamy.kz
Kórmede Arheologıa mýzeıi qoryndaǵy Otyrar jáne Quıryq-tóbe qalashyqtarynyń jádigerleri men fotosýretteri, Ortalyq ǵylymı kitaphana men sırek kezdesetin kitaptar mýzeıi qoryndaǵy qalashyqtar tarıhyna qatysty kitaptar men fotoalbomdar usynylǵan. Atap aıtqanda, Otyrar alqabyndaǵy qazba jumystary nátıjesinde tabylǵan keramıkalyq ydystar, terakotalar, shyny qutylar qaldyqtary, Arheologıa mýzeıi qoryndaǵy ózge de jádigerlerdiń foto-sýretterin tamashalaýǵa bolady. Budan ózge Otyrar men Quıryq-tóbe tarıhy men arheologıasyna arnalǵan Aqyshev K., Baıpaqov K., Erzakovıch L., jáne ózge de ǵalymdardyń eńbekteri men fotoalbomdaryn kórýge múmkindik bar.
Otyrar jáne Quıryq-tóbe qalashyqtary – ortaǵasylyq, tarıhy syr men jumbaqqa toly erekshe qalashyqtar. «Ǵylym ordasy» RMK Almaty qalasy qonaqtary men turǵyndaryn ejelgi qalashyqtardyń syrǵa toly tarıhymen tanysýǵa shaqyrady. Kórme 2022 jyldyń qarasha aıyna deıin jalǵasady.