Ammanda ketken eseni qaıtardy
Tashkent qalasynda bokstan erler arasynda ótip jatqan álem chempıonatynda Nurbek Oralbaı jartylaı fınalǵa shyqty, dep habarlaıdy Almaty-akshamy.kz QazAqparatqa silteme jasap.
Nurbek Oralbaı 80 kelige deıingi salmaqta Azıa chempıony, ıordanıalyq Hýsseın Eıshaısh Ishaıshpen sheberlik baıqasty.
Ótken jyly Iordanıa astanasy Ammanda ótken Azıa birinshiliginiń jartylaı fınalynda Nurbek dál osy boksshyǵa jol berip, qola júldeni qanaǵat tutqan edi.
Bul joly alǵashqy eki raýnda bes tóreshi túgeldeı basymdyqty qazaqstandyq boksshyǵa berdi. Qorytyndy esep – 5:0, Nurbektiń paıdasynda.
Osylaısha, Nurbek ıordanıalyq boksshydan qarymta qaıyryp, jartylaı fınalǵa joldama aldy.
Eske sala keteıik, budan buryn Qytaı quramasyndaǵy qazaq boksshysynyń álem chempıonatynda qarsylasyn nokaýtpen utqanyn jazǵan edik.
Sondaı-aq Dýlat Bekbaýov shırek fınalǵa ótti. Al Nurqanat Raıys pen Serik Temirjanov shırek fınalǵa shyǵa almady.
Ulttyq qurama kapıtany Aslanbek Shymbergenov qarsylasyn eki ret nokdaýnǵa jiberdi.