Rejıser Elzat Eskendirdiń «Ábil» fılmi Shvesıada ótetin Skandınavıa óńiriniń bas kınofestıvaline shaqyrtý aldy, dep habarlaıdy aqshamnews.kz
Fılm 24 qańtar men 2 aqpan aralyǵynda ótetin Skandınavıa óńirindegi 48-halyqaralyq Goteborg kınofestıvalinde usynylady. Sonymen qatar fılm 11-18 aqpan aralyǵynda Fransıada ótetin Vezýl Azıa kınosynyń halyqaralyq kınofestıvaline qatyspaq.
«Fılmniń Goteborgtegi kórsetilimi – týyndynyń Evropalyq premerasy, al Vezýldegi kórsetilimi – fransıalyq premerasy retinde qarastyrylýda», – deıdi rejıser.
Atalǵan kınokartınany Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen Sháken Aımanov atyndaǵy «Qazaqfılm» kınostýdıasy túsirgen.
Fılm eseńgirep qalǵan turǵyndarmen dıalog qurý arqyly dıskrımınasıa, jemqorlyq pen kapıtalızm taqyryptaryn taldaıdy. Kartına taǵdyry aýqymdy tarıhı oqıǵalarmen astasqan adamdardyń hıkaıasyna negizdelgen. Fılmniń óndirisi halyqaralyq mamandardyń basyn qosqanyn da aıtý kerek.