Qazaqstanda tegin medısınalyq kómektiń kepildik berilgen kólemi (TMKKK) jáne MÁMS sheńberinde em alatyndardy qamtamasyz etý úshin jáne dárihanalardyń bólshek saýda jelisinde satylatyn preparattardyń shekti qunyn tómendetýdi kózdeıtin dárilik zattardyń baǵasyn retteýdiń jańa tetigi jumys istemek.
Bul týraly Densaýlyq saqtaý vıse-mınıstri Erjan Nurlybaev OKQ-da ótken baspasóz brıfıńinde aıtty, dep habarlaıdy aqshamnews.kz
Vıse-mnıstrdiń sózinshe, dári-dármektiń shekti qunyn tómendetý quraldarynyń biri buryn dári-dármektiń qunyna engizilgen qosymsha shyǵystardy alyp tastaý bolady: marketıń (30%-ǵa deıin), kólik (15%-ǵa deıin) jáne sapany baǵalaý shyǵyndary.
Ústeme baǵalardyń regressıvti shkalasyn qaıta qaraý nátıjesinde olardy qoldaný shegi aıtarlyqtaı tómendedi. Tegin medısınalyq kómektiń kepildik berilgen kólemi (TMKKK) jáne mindetti áleýmettik medısınalyq saqtandyrý (MÁMS) sheńberinde olar 20%-ǵa deıin, kóterme satý úshin 25%-ǵa, al bólshek saýda úshin 30%-ǵa deıin (buryn 55%-ben salystyrǵanda), – deıdi.
Eger bastapqy preparat naryqta bolmaǵan jaǵdaıda, otandyq analogtyń shekti quny ımporttalatyn dárilerdiń ortasha baǵasynan aspaýǵa tıis. Mundaı saıasat básekelestikti yntalandyrýǵa jáne barlyq taraptar múddeleriniń teńgerimin qamtamasyz ete otyryp, otandyq óndirýshiler úshin jaǵdaılardy jaqsartýǵa múmkindik beretinin atap ótti.
Vıse-mınıstr sondaı-aq farmasevtıkalyq naryqta dárilik zattardyń qoljetimdiligin arttyrý maqsatynda Densaýlyq saqtaý mınıstrligi monopolıaǵa qarsy organmen birlesip, Jol kartasy sheńberinde kóterme jáne bólshek saýdada ótkizý úshin dárilik zattardyń baǵasyn kezeń-kezeńimen retteý jónindegi is-sharalar júrgizilip jatqanyn eske saldy. Osylaısha, 2023 jyly básekelestik ortaǵa reseptsiz satylatyn dárilik zattardyń 302 ataýy, al 2024 jyly – reseptsiz satylatyn dárilik zattardyń 952 ataýy shyǵaryldy.