QR Ǵylym jáne joǵary bilim mınıstrligi úzdik ǵylymı zertteýlerdi anyqtaýǵa jáne memlekettik ǵylymı stıpendıalardy taǵaıyndaýǵa baǵyttalǵan 2023 jylǵy konkýrstyń qorytyndysyn shyǵardy.
Abaı ýnıversıtetiniń N.Kelimbetov atyndaǵy Túrkitaný ortalyǵy daıyndaǵan «Muqaǵalı tili sózdigi» monografıasynyń avtorlary –gýmanıtarlyq ǵylymdar salasyndaǵy úzdik ǵylymı zertteýler úshin Sh.Ýálıhanov atyndaǵy ataýly syılyqqa ıe boldy, dep habarlaıdy Almaty-akshamy.kz.
Bul mańyzdy eńbektiń avtorlary – Sherýbaı Qurmanbaıuly, Janseıit Túımebaev, Baıynqol Qalıev jáne Sábıra Isakova. Túrkitaný ortalyǵynyń jetekshisi – QR Ulttyq ǵylym akademıasynyń akademıgi, fılologıa ǵylymdarynyń doktory, profesor Sherýbaı Qurmanbaıuly. Bıylǵy jyly Abaı ýnıversıteti ǵylym men bilim salasyndaǵy erekshe jetistikteri úshin osymen ekinshi márte Sh.Ýálıhanov atyndaǵy ataýly ǵylymı syılyqqa ıe bolyp otyr.
Memlekettik ǵylymı stıpendıa Abaı ýnıversıtetiniń úsh ǵalymyna – fızıka-matematıka ǵylymdarynyń doktory, profesor Abdýmaývlen Berdyshevke, PhD doktorlary Jarasbek Baıshemırov pen Aınur Seıilhanǵa berildi.
Bul jetistikter ǵalymdardyń ǵylymı-zertteý jumystarynyń joǵary deńgeıin kórsetedi jáne búkil ǵylymı qoǵamdastyqqa bilim men ınovasıanyń jańa kókjıekterine umtylýǵa yntalandyrady. Laıyqty marapattar ǵalymdardyń jeke jetistikterin ǵana emes, sonymen qatar jańa kásibı bıikterge jetýge jáne ýnıversıtet pen eldiń damýyna baǵyttalǵan jalpy ǵylymı áleýettiń deńgeıin kóteredi.