3-4 jeltoqsan kúnderi Abaı ýnıversıtetiniń bazasynda mektep muǵalimderi arasynda matematıka, fızıka jáne ınformatıka muǵalimderiniń IX halyqaralyq shyǵarmashylyq baıqaýy ótti. İs-sharaǵa QR UǴA akademıgi Asqar Jumadildaev, Parlament Májilisiniń depýtaty Irına Smırnova, QR Ata-analar komıtetiniń ókili Gúlnar Omar, «Zerdeli» bilim berý ortalyǵynyń dırektory Rysbek Máýit jáne Abaı ýnıversıtetiniń áleýmettik damý jónindegi prorektory Shyńǵys Nurlanov qatysty, dep habarlaıdy almaty-akshamy.kz
Baıqaýdyń maqsaty – muǵalimderdiń kásibı sheberligin damytý jáne quzyrettiligin arttyrý, Qazaqstandaǵy matematıka muǵalimderin biriktirý jáne kásibı quzyrettilikterdi ońtaıly meńgerýdi kórsete otyryp, tájirıbe, bilim almasý, sondaı-aq olarǵa qoldaý kórsetý. Baıqaý Qazaqstan Respýblıkasy Ǵylym jáne joǵary bilim mınıstrliginiń qoldaýymen, «Qazaqstan matematıka muǵalimderiniń qaýymdastyǵy» respýblıkalyq qoǵamdyq birlestigimen birlesip uıymdastyryldy.
Olımpıadaǵa elimizdiń barlyq óńirlerinen 400-den astam muǵalim qatysyp, 3 200-ge jýyq tapsyrma tekserildi. Respýblıkanyń úzdik muǵalimderi olıpıadaǵa qatysyp, tájirıbe almasty. Sondaı-aq, shahmat jáne toǵyzqumalaq týrnıri, «Bilim» halyqaralyq kórmesi, Máskeýdegi matematıka páni muǵalimderine arnalǵan shyǵarmashylyq baıqaýynyń úsh dúrkin jeńimpazy Ibragım Ibatýlınniń semınar-trenıngi uıymdastyryldy.
Shákárim Seısenbaıdyń moderatorlyǵymen «Jaıly mektep» plenarlyq otyrysy ótip, «Daryn Online» negizin salýshy jáne dırektory Asqar Maqsat, №81 mektep-gımnazıasynyń dırektory Nurǵalı Turymbetov, «JOO.kz» – Qanat Úksikbaev, «Alan» OM – Pırmaǵanbet Daýrhan, «Dana» jeke orta mektebi – Renata Tólegenova baıandama jasady.
Abaı atyndaǵy QazUPÝ-dyń áleýmettik damý jónindegi prorektory Sh.Nurlanovtyń moderatorlyǵymen zamanaýı bilim berý salasyna arnalǵan plenarlyq májilis jalǵasyn taýyp, Asqar Jumadildaev, Irına Smırnova, Omar Gúlnar sóz sóıledi. Prorektor Abaı ýnıversıtetinde mektepterdiń eń myqty mamandary bas qosqan osy aýqymdy is-sharany ótkizý mańyzdy oqıǵa ekenin atap ótip, ol bolashaq suranysqa ıe mamandardy daıarlaýda odan ári tabystar tiledi jáne ýnıversıtet basshylyǵy atynan uıymdastyrýshylar men qatysýshylarǵa alǵysyn bildirdi.
Spıkerler men qatysýshylar matematıka, fızıka jáne ınformatıka muǵalimderiniń halyqaralyq shyǵarmashylyq baıqaýynyń mańyzdylyǵyn atap ótti.
İs-shara Qazaqstan Respýblıkasy óńirlerinen kelgen úzdik muǵalimderdi marapattaý rásimimen jalǵasty. Barlyq qatysýshylar arnaıy sertıfıkattarmen, al jeńimpazdar I, II jáne III dárejeli dıplomdarmen marapattaldy.
