Vandalızmge qarsy kúresti kúsheıtý qajet.
Májilis depýtaty Sergeı Ponamaróv mádenı-tarıhı eskertkishterdi qorlaýǵa jol bermeýge shaqyrdy, dep habarlaıdy Almaty-akshamy.kz.
Onyń dereginshe, elimizde 25 myńnan astam tarıhı nysan bar. Onyń 12 myńnan astamy eskertkish. Búginde tártip buzýshylar 50-den 100 AEK-ke deıin aıyppul tóleıdi. 160 saǵat qoǵamdyq jumysqa tartý nemese 40 táýlikke deıin qamaýǵa alý kózdelgen. Depýtat mádenı murany qorlaǵandarǵa bul jaza az dep esepteıdi. Ári tártip buzýshylar azaımaı tur. Jyl basynan beri elimizde 1200-den asa vandalızm faktisi tirkeldi.
«Eskertkishti qorlap, tabıǵı parkterde de zańbuzýshylyq jasaýshylar kóbeıdi. Zań qatańdatylǵanymen, onymen kúres jumystary baıaý júrip jatyr. İshki ister mınıstri 28 myńnan astam beınebaqylaý kamerasyn ornatý qajet bolǵan. Alaıda, ony 18 myń kameraǵa deıin azaıtypty. Vandalızm ákimshilik qana emes, qylmystyq is. Onymen kúres jumystaryn kúsheıtý qajet», - dedi QR Parlamenti Májilisiniń depýtaty Sergeı Ponamarev.