Tergeý júrip jatqan bap boıynsha bes jyldan on jylǵa deıin bas bostandyǵynan aıyrý jazasy kózdelgen.
Semeı ormanyndaǵy órt boıynsha qylmystyq is qozǵaldy, dep habarlaıdy Almaty-akshamy.kz
Bul týraly Jibek Joly telearnasynyń arnaıy shyǵarylymynyń efırinde aıtyldy.
Ekologıa jáne tabıǵı resýrstar mınıstrliginen málim etkendeı, órtke qatysty tergeý Qylmystyń kodekstiń «abaısyzda eki jáne odan da kóp adamnyń ólimine ákep soqqan órt qaýipsizdigi talaptaryn buzý» baby boıynsha júrgiziledi.
«Meniń oıymsha, bul iste jaýapty adamdardyń sany jetkilikti. Olar tótenshe jaǵdaılar mınıstrliginiń jáne orman sharýashylyǵy komıtetiniń qyzmetkerleri bolýy múmkin. Sonymen qatar atalǵan aımaqtaǵy jalpy tótenshe jaǵdaı jáne orman sharýashylyǵyna jaýapty tulǵalar da tergeý aıasynda jaýapqa tartylýy yqtımal», - dedi Jibek Joly telearnasyna suhbat bergen zańger Serik Berkamalov.