Bul mınıstrlik pen basqa da tıisti organdardyń qatesi.
Búgin Abaı oblysyna jumys saparymen baryp, marqumdardyń otbasymen kezdesken memleket basshysy osylaı dedi, dep habarlaıdy Almaty-akshamy.kz
«Shuǵyl sharalar qabyldap, órtti sol jerde óshirýi, kem degende oqshaýlaýy kerek edi. Ony istemegen. Jaǵdaıǵa salǵyrt qarady, biliktilik tanytpady. Barlyǵy jazalanady. Zardap shekken barlyq otbasyǵa jeke járdemaqy taǵaıyndalady. Men sizderge ýáde beremin. Prezıdent janynan arnaıy qor qurylady. Zardap shekkenderge jeke kómek kórsetemin. Jan-jaqty kómek kórsetiletinin aıtýǵa keldim. Qarjylaı da, basqa da kómek kórsetiledi. Balalar balabaqshaǵa, JOO-ǵa ornalastyrylady – bári oryndalady. Men, árıne, sizdermen birgemin. Sizder – elimizdiń azamatysyzdar. Men sizder úshin jaýaptymyn. Men Memleket basshysy retinde bolǵan jaǵdaı úshin keshirim suraımyn. Óte aýyr jaǵdaı ekenin túsinemin. Asyraýshylaryńyzdy, otaǵasyn, eń jaqyn týystaryńyzdy joǵalttyńyzdar. Ókinishke qaraı, ómirde mundaı qaıǵyly jaıttar bolady. Muny aqtaıtyn eshqandaı sebep joq. Taǵy da aıtamyn. Moraldyq jáne materıaldyq kómek kórsetiledi», dedi Qasym-Jomart Toqaev.