Úkimettik komısıa quryldy
QR Prezıdentiniń Abaı, Jetisý jáne Ulytaý oblystaryn qurýdy kózdeıtin «QR ákimshilik-aýmaqtyq qurylysynyń keıbir máseleleri týraly» Jarlyǵyn iske asyrý jónindegi is-sharalar jospary bekitildi, dep habarlaıdy Almaty-akshamy.kz Úkimettiń resmı saıtyna silteme jasap.
İs-sharalar jospary mynadaı sharalardy qamtıdy: jańa oblystardyń shekaralaryn belgileý; ortalyq memlekettik organdardyń aýmaqtyq organdaryn qurý; ortalyq jáne jergilikti atqarýshy organdardyń shtat sanynyń lımıtterin bekitý; jańadan qurylǵan oblystar arasynda búdjet bólý balansyn qabyldaý; oblystardy qurý sheńberindegi shyǵystardy respýblıkalyq búdjetti qalyptastyrý men naqtylaý úshin qaraýǵa engizý jáne basqalar kiredi. Jospardyń qabyldanýy jańadan qurylǵan jáne qaıta uıymdastyrylǵan oblystarda memlekettik organdardyń jumys isteýi úshin qajetti is-sharalardyń júzege asyrylýyn qamtamasyz etýge múmkindik beredi. Jobany iske asyrý respýblıkalyq búdjetten qarjylyq shyǵyndardy qajet etpeıdi. Premer-Mınıstrdiń birinshi orynbasary Roman Sklár jańa oblys ortalyqtarynda birqatar kóshpeli keńester ótkizdi, olardyń barysynda óńirlerdiń qajetti ákimshilik ǵımarattardy satyp alýǵa, jalǵa alýǵa jáne jóndeý júrgizýge daıyndyǵy men qajettilikteri baǵalandy. Jalpy júrgizilgen taldaý jumystary jańa oblys ortalyqtarynda memlekettik organdar men qyzmetkerlerdi ornalastyrý jáne olardyń jumys isteýi úshin qajetti ákimshilik ǵımarattar daıyn ekenin kórsetti. Esterińizge sala keteıik, bıyl 16 naýryzda Memleket basshysy Parlament palatalarynyń birlesken otyrysynda Qazaqstanda úsh jańa oblys qurylatynyn málimdedi. Memleket basshysynyń tapsyrmasyn iske asyrý aıasynda Úkimettik komısıa quryldy, ol aýdandyq jáne oblystyq máslıhattar deńgeıinde jarıa tyńdaýlar uıymdastyrýdy, turǵyndardyń jergilikti ókildi organdarmen kezdesýlerin, sondaı-aq respýblıkalyq onomastıkalyq komısıanyń otyrysy sekildi aýqymdy jumys júrgizdi.