Momyshuly kóshesinen bastap Abaı dańǵylynyń aıaǵyna deıin.
Búgingi kezdesýde turǵyndar byltyr paıdalanýǵa berilgen Abaı dańǵylynyń aıaq jaǵyndaǵy keptelis máselesin kóterdi, dep habarlaıdy Almaty-akshamy.kz
Turǵyn suraǵy:
– Abaı dańǵylynyń boıynda Momyshuly men Áshimov kósheleriniń arasynda tym bolmasa tańǵy ýaqytta qoǵamdyq kólikke basymdyq berý jolyn qarastyrýǵa bola ma?
Bul suraqqa jaýap bergen Almaty qalalyq mobıldilik basqarmasynyń basshysy Saǵyndyq Telibaev:
«Abaı dańǵylynyń boıymen Momyshulyna deıingi júretin avtobýstar úshin jolaq bar, biraq jańa ýchaskede jolaq belgilenbegen. Basymdylyq berý úshin arnaıy jolaq jasaý qajet», - dedi.
Óz tarapynan bul suraqtyń jaýabyn tolyqtyrǵan Almaty qalasynyń ákimi Erbolat Dosaev: «Shyǵys jáne batys baǵytta avtobýstarǵa arnalǵan jolaq jasaý úshin shara qabyldaýymyz qajet», - dedi.