QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda týrızmdi odan ári damytý sharalary talqylandy.
Týrızm jáne sport mınıstri Ermek Marjyqpaevtyń aıtýynsha, birinshi jartyjyldyqtyń qorytyndysy boıynsha 3 mln-nan astam qazaqstandyq el ishinde saıahat jasaǵan – bul ótken jyldyń sáıkes kezeńindegi kórsetkishten 400 myńǵa artyq. Jyl sońyna deıin ishki týrıser sany 9 mln adamǵa jetedi dep boljanyp otyr. Sondaı-aq sheteldik týrıserdiń sany eki ese ósken: 6 aıdyń qorytyndysy boıynsha 500 myńnan astam adam. Jyl qorytyndysy boıynsha bul kórsetkish 1,4 mln týrıske jetedi dep kútilýde.
Týrıser sanynyń ósýimen týrızm salasyndaǵy kásipkerleriniń tabysy da artty. Birinshi jartyjyldyqta saıahatshylar men demalýshylardy ornalastyrý oryndary 100 mlrd teńgege jýyq tabys tapty, bul ótken jyldyń sáıkes kezeńimen salystyrǵanda 30 mlrd teńgege artyq.
Sonymen qatar bıylǵy 9 aıda týrızm salasyna 404,8 mlrd teńge ınvestısıa tartyldy – kórsetkish 44%-ǵa ósti. Óńirler boıynsha Soltústik Qazaqstan, Pavlodar, Aqtóbe jáne Almaty oblystary kósh bastap tur.
Mınıstr 2022 jyldan bastap Qazaqstanda osy saladaǵy kásipkerlerdiń belsendiligin yntalandyrýǵa baǵyttalǵan jańa memlekettik qoldaý sharalary engizilgenin aıtty. Jalpy 2023 jyldyń basynan bastap barlyq memlekettik qoldaý sharasy boıynsha oń dınamıka baıqalady. Búgingi tańda jalpy 600 mln teńgeden astam somaǵa ótinim maquldandy.
Sonymen qatar týrısik ınfraqurylymdy damytý, «Kids go free» baǵdarlamasyn keńeıtý, respýblıkanyń týrısik ımıjin halyqaralyq deńgeıde ilgeriletý, salany sıfrlandyrý jáne t.b. boıynsha jumystar jalǵasýda.
Almaty oblysynda taý shańǵysy jáne ekotýrızmdi damytý, Abaı oblysynyń tarıhı-mádenı murasyn tanytý jáne Pavlodar oblysynyń Baıanaýyl kýrorttyq aımaǵyna týrıserdi tartý týraly óńirler ákimderi Marat Sultanǵazıev, Nurlan Uranhaev jáne Asaıyn Baıhanov baıandama jasady.
Sondaı-aq otyrysta týrısik bıznes ókili Aleksandr Gýjavın sóz sóıledi.
Álıhan Smaıylov Úkimet Memleket basshysynyń tapsyrmalaryna sáıkes ekonomıkany ártaraptandyrý máselesinde eldiń týrısik áleýetin damytýǵa barynsha kóńil bólýi tıis ekenin atap ótti.
«Bizge týrızm salasynda jańa serpindi jobalar qajet. Sońǵy 3 jylda salaǵa $4 mlrd kóleminde ınvestısıa tartyldy. 400-den astam nysan salynyp, 7 myńǵa jýyq turaqty jumys orny quryldy», — dedi ol.
Premer-Mınıstr Qazaqstanda 20-dan astam tanymal halyqaralyq deńgeıdegi qonaq úıler ashylǵanyn, munyń ózi sheteldik týrıserdi tartýǵa aıtarlyqtaı yqpal etetinin atap ótti. Sonymen qatar tek sońǵy 3 jyldyń ózinde ulttyq saıabaqtarda ekotýrısterdiń úzdiksiz ósip keledi.
«Ótken jyldan beri týrızm nysandaryn salý, taý shańǵysy kýrorttaryn damytý jáne týrısik avtobýstar satyp alý jónindegi jobalar memlekettik qoldaý sharalarymen qamtyldy. El ishinde saıahattaıtyn Qazaqstan azamattary úshin balalar avıabıletteri sýbsıdıalanady. Týroperatorlarǵa sheteldik týrıserdi tartqany úshin sýbsıdıalar beriledi», — dedi Álıhan Smaıylov.
Jalpy 80 eldiń azamaty Qazaqstanda vızasyz júrip-tura alady. 109 memleketten keletin sheteldikter úshin elektrondyq vıza alý múmkindigi bar. Halyqaralyq áýe qatynasynyń geografıasy da keńeıip keledi.
«Búgingi tańda Qazaqstanda basym týrısik aýmaqtar aıqyndaldy. Onda “zákirlik” jobalar iske asyrylatyn bolady. Budan bólek, elimizdegi týrısik salanyń úlken áleýetin eskere otyryp, atalǵan jumysqa árbir óńir tartylýy tıis dep sanaımyn», — dep atap ótti Premer-Mınıstr.
Onyń aıtýynsha, bul rette, týrısik nysandardy jyl boıy paıdalaný tujyrymdamasyn keńeıtý jáne qurý qajet. Úkimet basshysy jumysty júıeli deńgeıde qurý mańyzdy ekenin atap ótti. Nátıjesinde bul Dúnıejúzilik ekonomıkalyq forýmnyń Saıahat pen týrızmdi damytýdyń jahandyq ındeksinde Qazaqstannyń reıtıńin arttyrýǵa múmkindik beredi.