Endi eńbek shartyn qashyqtan rásimdeýge bolady.
Eńbek jáne halyqty áleýmettik qorǵaý mınıstrliginiń málimetinshe, endi qujatqa eńbek resýrstary portaly jáne Enbek HR mobıldi qosymshasy arqyly qol qoıýǵa bolady, dep habarlaıdy Almaty-akshamy.kz
Bıylǵy qazan aıynda HR.Enbek.kz eńbek resýrstary portalynda elektrondyq eńbek sharttaryn jasasý jónindegi fýnksıonal iske qosyldy. Qyzmetkerler qujatqa portal jáne Enbek HR mobıldi qosymshasy arqyly qol qoıa alady.
Buryn eńbek sharttary qaǵazda jasalyp, olar týraly aqparatty kadr qyzmetteri Eńbek sharttaryn esepke alýdyń biryńǵaı júıesine engizgen. Endi jumys berýshilerge qajetti málimetterdi toltyrý úshin yńǵaıly konstrýktordy paıdalana otyryp, portalda, onyń ishinde "Eńbek sharttary" bóliminde qujattyń jobasyn jasaýǵa nemese sharttyń jeke faılyn júktep, jumyskerdiń jeke kabınetine qol qoıýǵa jiberýge múmkindik beriledi.
Jańa fýnksıa Enbek HR mobıldi qosymshasynda qoljetimdi.
"Taraptar shart talaptarymen kelisken jaǵdaıda, oǵan ESQ nemese QR-qoltańba kómegimen eGov mobıldik qosymshasy arqyly qol qoıýǵa bolady. Osydan keıin elektrondyq eńbek sharty Eńbek sharttaryn esepke alýdyń biryńǵaı júıesine avtomatty túrde tirkeledi jáne jumys berýshige de, jumyskerge de qaraý jáne júkteý úshin qol jetimdi bolady. Qajet bolǵan jaǵdaıda onyń túpnusqalyǵy qujatqa kórsetilgen QR-kodpen rastalady", – dedi Eńbek jáne halyqty áleýmettik qorǵaý vıse-mınıstri Erbol Ospanov.