Wi-Fi jelisiniń joqtyǵynan oqýshylar ınternetke qosyla almaıdy.
Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın mektepterdegi ınternetke qoljetimdilik máselesin sheshýdiń keshendi tásilin engizýdi usyndy, dep habarlaıdy Almaty-akshamy.kz
Mınıstrdiń aıtýynsha, búginde mektepterdiń kópshiligi ınternetke qosylǵan. Biraq jergilikti nemese Wi-Fi jelisiniń joqtyǵynan oqýshylar ınternetke qosyla almaıdy.
«Osyǵan baılanysty mınıstrlik mektepterde jergilikti jeli men Wi-Fi núktelerin uıymdastyrýdyń keshendi tásilin iske asyrýdy usynady. Symsyz kirý núktesi 200 qurylǵynyń bir ýaqytta jumys isteýin jáne barlyq synyptardyń, zerthanalardyń, ákimshilik bloktyń jáne mektep aýlasyn ınternetpen qamtamasyz etýi kerek. 2023 jyldyń sońyna deıin Wi-Fi jelileriniń jumys reglamenti men topologıasyn bekitý usynylady», - dedi Mýsın.