Toronto áýejaıynda Delta Air Lines ushaǵy aýdarylyp, 15 adam zardap shekti.
Kanadadaǵy Toronto qalasynda ornalasqan Lester B. Pırson atyndaǵy halyqaralyq áýejaıda Delta Air Lines áýekompanıasyna tıesili jolaýshylar ushaǵy qoný kezinde aýdarylyp qaldy. Oqıǵa saldarynan keminde 15 adam jaraqat alǵan, dep habarlaıdy aqshamnews.kz.
New York Post basylymynyń habarlaýynsha, tótenshe jaǵdaı qyzmetkerleri oqıǵaǵa jedel áreket etken. Mınneapolısten kelgen ushaq qalyń qar basqan ushý-qoný jolaǵynda aýdarylǵan. Áleýmettik jelilerde taraǵan sýretter men vıdeolardan áýe kemesiniń qatty zaqymdanǵany baıqalady.
Kanadalyq CP24 telearnasynyń málimetinshe, jaraqat alǵandardyń ishinde úsh adamnyń jaǵdaıy aýyr, olardyń biri – bala. Qalǵan 12 adamnyń jaraqattary jeńil dep baǵalanǵan. Barlyq zardap shekkender dereý aýrýhanaǵa jetkizildi.
Jarıalanǵan kadrlardan ushaqtyń bir qanaty aıtarlyqtaı maıysqany, al quıryq bóliginiń ishinara zaqymdanǵany kórinedi. Oqıǵa qarly daýyl kezinde oryn alǵan. Demalys kúnderi jaýǵan qalyń qar saldarynan áýejaı qyzmetkerleri tún boıy ushý-qoný jolaǵyn tazalaý jumystaryn júrgizgen.
Áýejaı ákimshiliginiń habarlaýynsha, apattan keıin áýe aılaǵyndaǵy barlyq reıster ýaqytsha toqtatyldy.