Almaty qalasy Qoǵamdyq damý basqarmasynyń Qoǵamdyq damý ortalyǵynyń uıymdastyrýymen ashyq aspan astynda «Dástúrli áýen» mýzyka festıvali ótkiziledi.
Festıváldiń maqsaty: Mádenı muraǵa aınalǵan qazaq áýenderin tanymal etýge, elge degen súıispenshilik, maqtanysh jáne qurmet sezimin tárbıeleýge yqpal etý.
Bul jobany iske asyrý - óskeleń urpaqqa qazaq jeriniń baı mádenı ıgiligimen jaqynyraq baılanysta bolýǵa, oryndaýshylar men fólklorlyq ujymdardyń halyq ánderi men áýenderin oryndaý arqyly qazaq halyq aspaptarynyń (dombyra, qobyz, sherter, jetigen) dybystalýynan lázzat alýǵa múmkindik beredi.
Festıválge Qurmanǵazy atyndaǵy Qazaq memlekettik ulttyq aspaptar ansambli, irikteýden ótken balalar óner ansamblderi jáne jeke oryndaýshylar qatysyp, 3 bólimde óner kórsetedi:
- Balalar mýzykalyq ansamblderi, jeke oryndaýshylar;
- Jasóspirimder ansamblderi, jeke oryndaýshylar;
- Aǵa býyn ónerpazdary. Halyqaralyq konkýrstardyń laýreattary, Qazaqstan Respýblıkasynyń mádenıet jáne óner qaıratkerleri, shyǵarmashylyq ansámblder men fólklorlyq ujymdar.
Festıvál barysynda ulttyq aspaptarymyzdyń qońyr úni estilip, urpaqtar sabaqtastyǵymen jalǵasyp kele jatqan dara tulǵalar Qurmanǵazy, Túrkesh, Nurǵısanyń kúıleri, Muhıt, Kenen, Moldabaıdyń ánderi oryndalyp, tyńdarman qaýymnyń júregine erekshe kóńil-kúı syılaıtyn dástúrli áýender shyrqalmaq.
Ótkizilý orny: Ortalyq mádenıet jáne demalys saıabaǵy.
Ótkizilý ýaqyty: 27-qyrkúıek- 2023 jyl. Saǵat 16:00-de