Mamandar ata-analardy balalardy qaraýsyz qaldyrmaýǵa shaqyrdy.
Astanada 8-shi qabattaǵy terezeden salbyrap turǵan balany qutqaryp qalǵan Sábıt Shontaqbaev «Tótenshe jaǵdaıdaǵy erligi úshin» tósbelgisimen marapattaldy, dep habarlaıdy Almaty-akshamy.kz
«TJ birinshi vıse-mınıstri general-leıtenant Kúlshimbaev Ibragım batyr azamat Shontaqbaev Sábıtti «Tótenshe jaǵdaıdaǵy erligi úshin» tósbelgisimen marapattady. Ol elordada balany terezeden qulaýdan qutqardy» delingen TJM baspasóz qyzmetiniń habarlamasynda.
Málimetke saı, 11 mamyr kúni saǵat 10:21-de «Uly Dala kóshesi, 27/1» mekenjaıyndaǵy úıdiń 8-qabatyndaǵy terezede balanyń ilinip turǵany týraly habarlama kelip túsken. Shaqyrtý ornyna jeke quramnan 7 adam jáne 2 birlik tehnıkadan turatyn Nur-Sultan qalasynyń TJD bólimsheleri jedel jiberilgen.
Qutqarýshylar oqıǵa ornyna kelgen kezde segizinshi qabattaǵy balkonnyń karnızine ilingen balany er adam qutqarǵany anyqtaldy.
«2019 jyly týǵan qyz bala terezeden aýyp ketken kezde úıde eshkim bolmaǵan. Qýantarlyǵy, bizdiń keıipkerimiz — 1985 jyly týǵan Sábıt Shontaqbaev, ony qutqaryp qaldy. Qurmetti ata-analar, bul bala aman-esen qutqarylǵan sátti oqıǵa, biraq qaıǵyly nátıje beretin kóptegen faktiler bar. Balalardy qaraýsyz qaldyrmańyzdar! Eger úıde kishkentaı bala bolsa, terezeni ashyq qaldyrmańyzdar!»,- dep túıindelgen TJM habarlamasy.
