Qazaqstandyq tenısshi amerıkandyq áriptesimen kezdesti.
Qazaqstannyń birinshi, álemniń 17-raketkasy Elena Rybakına Rım WTA 1000 týrnıriniń úshinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi ekinshi kezdesýin dúnıejúzilik reıtıńte 102-orynda turǵan amerıkalyq Loren Devıspen ótkizdi.
Bul olardyń sporttyq jolyndaǵy ózara birinshi básekesi edi.
Birinshi partıada Elena Rybakına 4:1 esebimen alǵa ketkenimen, qarsylasy tarazy basyn teńestirdi – 4:4. Degenmen, Elena taǵy bir breık jasap, setke dop bergende, óz múmkindigin múlt jibergen joq – 6:4.
Ekinshi sette qazaqstandyq tenısshi 3:0 esebimen alǵa ketti. Sodan keıin osy basymdylyǵynan aıyrylǵan joq – 6:3.
Saǵat jarymnan astam ýaqytqa sozylǵan mach barysynda Elena Rybakına 6 eıs jasap, 4 breık-poıntty túgel paıdalandy. Qarsylasy 2 breıkten (8 breık-poınt) asa alǵan joq.
Elena Rybakına júlde qory 2,5 mln eýrodan asatyn dodanyń shırek fınalyna shyǵý úshin álemniń 6-raketkasy, chehıalyq Karolına Plıshkova nemese reıtıńte 29-satydaǵy shveısarıalyq Hıl Belen Taıhmannyń bireýimen talasady.
Búgin sondaı-aq, Iýlıa Pýtınseva Rımde álemniń 10-raketkasy, ıspanıalyq Garbıne Mýgýrýsamen oınaıdy.