Bul týraly QR Bilim jáne ǵylym mınıstri Asqat Aımaǵambetov áleýmettik jelidegi paraqshasynda jarıalady.
Prezıdent Qasym-Jomart Toqaevtyń Túrkıaǵa memlekettik sapary aıasynda eki el úkimetteri arasynda bilim berý salasyndaǵy yntymaqtastyq týraly kelisimge qol qoıyldy, dep habarlaıdy Almaty-akshamy.kz QazAqparatqa silteme jasap.
«Kelisimniń basty baǵyttary: oqytýshylardyń, pedagogterdiń jáne bilim berý uıymdary basshylarynyń tájirıbe almasýy. Bilim berý salasynda jańa tehnologıalardy qoldaný boıynsha tájirıbe almasý. Ózara negizde bilim alýshylardyń ǵylymı jáne mádenı jobalarǵa qatysýyn yntalandyrý. Ǵylymı zertteýler men konferensıalar ótkizý. Birlesken baǵdarlamalar negizinde bilim berý mekemeleri arasyndaǵy yntymaqtastyqty damytý. Jastar saıasaty salasyndaǵy yntymaqtastyqty damytý», - dep jazady mınıstr.
Sonymen qatar, Qazaqstan men Túrkıa óz ýnıversıtetterinde joǵary jáne (nemese) joǵary oqý ornynan keıingi bilim alý úshin stıpendıalar usynady. Mınıstr atap ótkendeı, sapar barysynda bıyl Túrkıadan Qazaqstanǵa ótkiziletin Halyqaralyq Túrki akademıasynyń Ǵylymı keńesine tóraǵalyq etý máseleleri talqylandy.
Eske salsaq, Qazaqstan men Túrkıa qorǵanys yntymaqtastyǵyn tereńdetý joldaryn talqylady. Qazaqstan men Túrkıa arasynda Áskerı yntymaqtastyq týraly kelisimge qol qoıyldy.