Búgin birqatar óńirde qatty ystyq bolady
Sársenbi kúni 5 óńirde qatty ystyq bolady, dep habarlaıdy Almaty-akshamy.kz «Qazgıdromet» RMK-ǵa silteme jasap.
8 maýsymda Qazaqstannyń ońtústik-batysy, soltústik-batysy, soltústigi, ortalyǵy jáne ońtústik-shyǵysy sıklon jáne onymen baılanysty atmosferalyq fronttardyń yqpalynda bolady. Onymen naızaǵaı, jańbyr, burshaq, daýyl kútiledi, - delingen «Qazgıdromet» habarlamasynda.
Elimizdiń qalǵan aýmaǵynda aýa raıy jaýyn-shashynsyz bolady. Respýblıka boıynsha jel kúsheıip, ońtústik-batysta, soltústikte shańdy daýyl turady.
Atap aıtqanda, Qostanaı oblysynyń soltústiginde, batysynda naızaǵaı, burshaq, daýyl kútiledi. Túnde óńirdiń soltústiginde, batysynda, kúndiz basym bóliginde jel 25 m/s kúsheıedi.
Soltústik Qazaqstan oblysynyń soltústiginde, batysynda, shyǵysynda naızaǵaı, daýyl, burshaq boljanady. Óńirdiń soltústiginde, shyǵysynda jeldiń kúshi 25 m/s artady.
Aqmola oblysynyń soltústiginde, batysynda naızaǵaı oınap, kúndiz burshaq, shańdy daýyl kútiledi. Óńirdiń soltústiginde, batysynda, shyǵysynda jel 15-20 m/s kúsheıedi.
Kúndiz Almaty oblysynyń taýly aýdandarynda naızaǵaı boljanady. Jalańashkól aýdanynda jáne oblystyń taýly aýdandarynda jel 15-20 m/s kúsheıedi.
Mańǵystaý oblysynyń ońtústiginde naızaǵaı oınap, shańdy daýyl turady. Túnde óńirdiń ońtústiginde, kúndiz batysynda, ońtústigi men shyǵysynda jeldiń jyldamdyǵy 15-20 m/s artady.
Kúndiz Jambyl oblysynyń taýly aýdandarynda naızaǵaı, burshaq, daýyl kútiledi. Túnde óńirdiń soltústik-shyǵysynda, taýly aýdandarynda jel 15-20 m/s kúsheıedi.
Kúndiz Qaraǵandy oblysynyń soltústiginde, batysynda naızaǵaı oınap, batysta, soltústik pen shyǵysta jeldiń kúshi 15-20 m/s artady.
Kúndiz Qyzylorda oblysynyń ortalyǵynda shańdy daýyl turady. Óńirdiń ortalyǵynda, ońtústiginde jel 15-20 m/s kúsheıedi.
Aqtóbe oblysynyń soltústiginde, shyǵysynda, kúndiz Batys Qazaqstan oblysynyń soltústik jartysynda, shyǵysynda, Pavlodar oblysynyń soltústigi men ortalyǵynda jeldiń jyldamdyǵy 15-20 m/s jetedi.
Sondaı-aq kúndiz Almaty, Qyzylorda, Jambyl oblystary, Túrkistan oblysynyń batysynda, soltústiginde, Qaraǵandy oblysynyń ońtústiginde qatty ystyq kútiledi.
Qyzylorda oblysynyń ortalyǵynda, Qaraǵandy oblysynyń batysynda, shyǵysynda, Almaty oblysynyń batysynda, Qostanaı oblysynyń ońtústiginde, Aqtóbe oblysynyń shyǵysynda tótenshe órt qaýpi boldanady.