Indonezıadan kelgen Dears bul múmkindikke qatty qýandy
2022 jylǵy 29 maýsymda Djakartadaǵy «Indonezıa Respýblıkasynyń Ulttyq kitaphanasynda» Oryndaýshyǵa jáne onyń Otanyna arnalǵan «Dımash: Qazaqstannyń altyn daýysy» atty kórme ótedi, dep habarlaıdy Almaty-akshamy.kz.
2022 jylǵy 29 maýsym men 8 shilde aralyǵynda ótetin is-sharany Dımash Qudaıbergenniń Indonezıalyq fan-klýby Qazaqstan Respýblıkasynyń Indonezıadaǵy Elshiligimen jáne Indonezıa Respýblıkasynyń Qazaqstandaǵy elshiligimen birlesip uıymdastyrdy.
Indonezıadan kelgen Dears bul múmkindikke qatty qýandy, óıtkeni bul is-shara ındonezıalyqtardyń kópshiligine Qazaqstannyń mádenıetimen jáne Dımashtyń daýysymen tanysýǵa múmkindik beredi. Sondaı-aq eki el arasyndaǵy dostyqty nyǵaıtady.
Kórmede Qazaqstannyń keremet sulý tabıǵatynyń fotosýretteri, sondaı-aq jergilikti ındonezıalyq sýretshiler jasaǵan túrli óner týyndylary usynylady. Sonymen qatar, kórmeniń birinshi kúni kitaphananyń bas zalynda Dımashtyń bir konsertiniń kórsetilimi ótedi.