“Quqyqtyq tártip” aýqymdy is-sharasy barysynda esirtki satýshy Áýezov aýdandyq PB-ǵa qarasty polısıa bóliminiń áriptesteri men “Búrkit” atty qyzmettik-izdestirý ıtiniń kómegimen ekstremızmge qarsy kúres bólimshesiniń qyzmetkerleri júrgizgen arnaıy is-shara nátıjesinde ustaldy, dep habarlaıdy Almaty-akshamy.kz.
«Buryn esirtki qylmysy úshin sottalǵan 1978 jyly týǵan M.esimdi azamat ustaldy. Ony jeke tintý kezinde quramynda erekshe ıisti ósimdik tektes zaty bar 3 qaǵaz býma tabyldy jáne tárkilendi. Ustalǵan azamattyń turǵylyqty jerinen osyǵan uqsas zat salynǵan taǵy 29 býma men 13 polıetılen baılamy tabyldy. Sot-hımıalyq saraptamasynyń qorytyndysyna sáıkes, tárkilengen shóp jalpy salmaǵy 1 keli 336 gram bolatyn gashısh esirtkisi ekeni rastaldy. Bul derek QR QK-niń 297-baby 3-bóligi boıynsha sotqa deıingi tergeýdiń biryńǵaı tizilimine tirkeldi», – dedi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.