Áýezov aýdanynyń ákimi Abzal Egemberdıev Almaty qalasynyń ÓKQ brıfıńinde «Halyq qatysatyn búdjet» sheńberinde jańa qoǵamdyq oryndardyń qalaı qurylyp jatqany, aǵashtardy sanıtarlyq kesý jáne aýlalardy jaryqtandyrý týraly málim etti, dep habarlaıdy almaty-akshamy.kz.
Jýrnalıser aldynda sóz sóılegen aýdan ákimi 7 magıstraldyq kósheniń jaıaý júrginshiler keńistigin ózgertý qarastyrylǵanyn aıtty. Búgingi tańda osy jobalar boıynsha JSQ ázirleý júrgizilýde.
Budan basqa, 12 joba boıynsha, jaıaý júrginshiler keńistigin abattandyrý jáne jaılastyrý kózdelgen. Qalǵan 3 joba - 5 jer ústi ótkelin kúrdeli jóndeý, Avtojýý júıesin jaılastyrý jáne «Saıran» shaǵyn aýdanynda ınklúzıvti ortany jaılastyra otyryp, jaıaý júrginshiler aımaǵyn qurý. Olardy iske asyrý 2024-2025 jyldarǵa josparlanǵan.
Sonymen qatar, aǵymdaǵy jóndeý júrgizý úshin bos jatqan jer telimderin anyqtaý boıynsha jumystar júrgizilýde. Sátbaev-SHepetkov kóshesi, Navoı kóshesi, Ótegen batyr-Otar kóshesi sıaqty 3 bos aýmaqty abattandyrý aıaqtaldy.
Áýezov aýdanynyń ákimi Abzal Egemberdıev «Halyq qatysatyn búdjet» baǵdarlamasynyń júzege asyrylý barysyna keńirek toqtaldy. 2023 jyly qala turǵyndardyń daýys berý qorytyndysy boıynsha 715 mln.teńge somasyna 16 joba iske asyryldy.
Shamamen 2024 jylǵa jalpy somasy 2,8 mlrd.teńgege 60 jobany iske asyrý josparlanǵan. Bul baǵyttaǵy jumystar kelesi jyly jalǵasatyn bolady.
Aýdannyń jaryqtandyrylýy týraly aıta kele, ákim búginde aýdan 94% - ǵa jaryqtandyrylǵanyn atap ótti. Alaıda, aýla aýmaqtarynda jaryqtandyrý boıynsha problemalyq másele áli de bar.
Búgingi tańda «Almaty Qala Jaryq» jaryqtandyrý merdigeri kún saıyn jaryq núktelerin qalpyna keltirý jumystaryn kúsheıtýde 8 avarıalyq-qalpyna keltirý brıgadasynyń kúshimen 30 meken-jaıǵa deıin qamtýda.
Budan basqa, jartylaı jaryqtandyrylmaǵan 89 aýmaq boıynsha kóshe jaryǵyn salýǵa JSQ ázirleý úshin qarajat bólindi. Bul jobany iske asyrý turǵyndardyń jaılylyǵy men qaýipsizdigin arttyrýǵa baǵyttalǵan.
Sonymen qatar, aýdandy kógaldandyrý jumystary jalǵasýda. Ótem retinde 20 myń aǵash otyrǵyzylýda, búgingi tańda 10 myń aǵash otyrǵyzyldy, qalǵan aǵashtardy otyrǵyzý jumystaryn kelesi jyly aıaqtaý josparlanýda.