Áýezov aýdanynyń 95 úıinde lıftiler aýystyrylyp, shatyr men ınjenerlik jeliler jóndeldi
1960-1970 jyldardaǵy turǵyn úı qorynyń qalaı jańartylyp jatqanyn Áýezov aýdanynyń ákimi Abzal Egemberdıev Almaty qalasynyń ÓKQ brıfıńinde aıtyp berdi, dep habarlaıdy almaty-akshamy.kz
Bıyl «2023-2029 jyldarǵa arnalǵan turǵyn úı-kommýnaldyq ınfraqurylymdy damytý» tujyrymdamasyn iske asyrý aıasynda aǵymdaǵy jyly qaıtarymdy negizde 95 úıde jóndeý jumystary júrgizildi, onyń ishinde: 57 úıde 102 lıft aýystyryldy jáne 38 úıde jalpy paıdalanylatyn oryndarǵa, ıaǵnı shatyrǵa, ınjenerlik jelilerge kúrdeli jóndeý júrgizildi.
Jalpy aýdan boıynsha turǵyn úı qoryn jańǵyrtý qajettiligi kún tártibinde qalyp otyr, osyǵan baılanysty jumystar kelesi jyly da jalǵasatyn bolady. 2024 jyldyń birinshi toqsanyna turǵyndardan 7 úıde 10 lıftti aýystyrýǵa jáne 20 úıde jalpy paıdalaný oryndaryn kúrdeli jóndeýge ótinimder bar.
Budan basqa, azamattyq-turǵyn úı qurylysy boıynsha obektilerdi iske asyrý jalǵasýda. Bıyl eki kópqabatty turǵyn úı kesheni iske qosyldy, jalpy aýdany 78 myń sh. m. aǵymdaǵy jyldyń sońyna deıin taǵy eki kóppáterli turǵyn úı keshenin iske qosý josparlanǵan, jalpy aýdany 83 myń sh. m. kelesi jyly jalpy aýdany 143 myń sh. m. úsh turǵyn úı keshenin iske qosý josparlanýda.