Temirtaýda qala kúninde kóshe boıymen jańa ádemi tramvaı júrip ótti, dep habarlaıdy aqshamnews.kz.
Ol synaq rejıminde iske qosyldy. Aldaǵy ýaqytta taǵy birneshe jol jáne elektr ınfraqurylymy synaqtan ótedi. Jyl sońyna deıin turaqty qozǵalys bolady dep josparlanýda, dep habarlaıdy Qaraǵandy oblysynyń ákimdigi.
Temirtaýda tramvaılar 2023 jyldyń aqpan aıynda júrýin toqtatty. Ekologıalyq kóliktiń jumysyn qalpyna keltirý metalýrgıa kombınatynyń jańa ıesi - Qarmet kompanıasynyń basym áleýmettik bastamalarynyń birine aınaldy. Osy jyldyń kókteminde temirjol jelisin aýystyrý bastaldy. Búgingi tańda 15,3 shaqyrymǵa jańa relster tóseldi. Jumys jalǵasady.
Qala boıynsha 8 jańa zamanaýı vagon júre bastaıdy. Olardyń árqaısysy úshin jeke dızaın jasalǵan. Sýretterdiń taqyryby - seh jáne kombınat óndirisi, vagondardyń biri Temirtaý qalasyna arnalady.
Tramvaılardyń syrty ǵana ádemi emes, sonymen qatar ishi de jaıly. Kólik kondısıonerlermen, qaýipsizdik jáne jylytý júıelerimen, LED-jaryqtandyrýmen jabdyqtalǵan. Tómen eden jáne jınalmaly pandýstar erekshe qajettilikteri bar jolaýshylarǵa yńǵaıly ári sapar shegýdi qol jetimdi etedi.
Qarmet Temirtaý joǵary polıtehnıkalyq kolejimen birlesip tramvaı júrgizýshilerin oqytý baǵdarlamasyna qabyldap, jumysqa ornalasýǵa kepildik beretini týraly jarıalady. 12 adamnan qurylǵan alǵashqy topty qazan aıynda qurylyp, kompanıa qarajaty esebinen ashylmaq.