Sońǵy 2 jylda jeke ınvestorlardyń qarajatyn tartý esebinen Qazaqstannyń ulttyq parkteri men basqa da tabıǵı oryndarynda 7 vızıt-ortalyq salynyp, qoldanysqa berildi. Bul Aıýsaı, Túrgensaı, Sartas, Sharyn, Gorelnık, Medeý jáne Altynemel vızıt-ortalyqtary, dep habarlaıdy Almaty-akshamy.kz.
«Ertisaı vızıt-ortalyǵy - osyndaı alǵashqy nysan. Halyq arasynda ulttyq saıabaqtarda kelýshilerge arnalǵan ortalyqtar salýdyń ekologıalyq tıimdiligine alańdaýshylyq bildiretinder bar. Biraq mundaı nysandar aǵash konstrýksıalardan jınalǵan modýlderden turatyn shaǵyn qurylys sanalady. Negizi beton qoldanylmaı, metal baılamasy bar geoburandalardan jasalady»,- dedi Mádenıet jáne sport vıse-mınıstri Erjan Erkinbaev.
Jaqyn arada Túrgen jáne Býtakovka shatqaldarynda da vızıt-ortalyq paıda bolady.
Aıta keteıik, búginde Qazaqstanda týrızm salasyndaǵy kásipkerlerdi memlekettik qoldaýdyń 7 tetigi bar. Atap aıtqanda: árbir sheteldik týrıs úshin týroperatorlardyń shyǵyndaryn sýbsıdıalaý, balalar úshin Qazaqstan boıynsha avıabıletterdiń qunyn sýbsıdıalaý, kásipkerlerge taý-shańǵy kýrorttarynyń jabdyqtaryn, kólik quraldaryn satyp alý (25%), jol boıyndaǵy servıs nysandaryn salý, týrısik nysandardy salý jáne rekonstrýksıalaý (10%) shyǵyndardyń bir bóligin óteý, sondaı-aq sanıtarlyq-gıgıenalyq toraptardy ustaýǵa arnalǵan sýbsıdıalar jatady (aıyna 83 300 teńge).