Mundaı boljamdy "Qazgıdromet" mekemesiniń mamandary jarıalady, dep habarlaıdy aqshamnews.kz
Qazaqstannyń 7 oblysynyń keıbir aýdandarynda ortasha qurǵaqshylyq boljanady.
Vegetasıalyq kezeńniń basynda jaýyn-shashynnyń kóp bolýy eldiń soltústik oblystarynda atmosferalyq ylǵaldylyq jaǵdaıyn jaqsartty. Alaıda, Qazaqstannyń soltústik-batysynda, ońtústik-batysynda, ońtústiginde, ońtústik-shyǵysynda jáne ortalyǵynda qurǵaqshylyq áli de saqtalýda.
"Aldaǵy aıda jaýyn-shashyn tapshylyǵy men aýa temperatýrasynyń joǵarylaýyna baılanysty jekelegen aýmaqtarda qurǵaqshylyq bolýy múmkin", – dep atap ótti sınoptıkter.
Sınoptıkalyq boljamǵa sáıkes, maýsym aıynda jaýyn-shashyn respýblıkanyń kóp bóliginde normadan az bolady dep boljanýda.
Jaýyn-shashyn mólsheri Pavlodar, Shyǵys Qazaqstan oblystarynda, Batys Qazaqstan, Aqmola, Soltústik Qazaqstan oblystarynyń basym bóliginde, Abaı oblysynda, Atyraý oblysynyń batysynda, Qaraǵandy oblysynyń soltústik-shyǵysynda normaǵa jaqyn deńgeıinde kútiledi.
Aldyn-ala esep boıynsha, maýsym aıynda ortasha qurǵaqshylyq myna aýdandarda kútiledi:
Qostanaı oblysynda – Amangeldi, Jangeldi aýdandarynda
Mańǵystaý oblysynda – Mańǵystaý aýdanynda
Qaraǵandy oblysynda – Aqtoǵaı jáne Shet aýdandarynda
Almaty oblysynda – Balqash aýdanynda
Jambyl oblysynda – Moıynqum aýdanynda
Túrkistan oblysynda – Sozaq, Qazyǵurt, Tólebı, Shardara jáne Jetisaı aýdandarynda
Qyzylorda oblysynda – Qarmaqshy jáne Shıeli aýdandarynda.