Buǵan deıin osy baǵdarlama aıaqtalady dep aıtylǵan.
Elimizdegi «7-20-25» ıpotekalyq turǵyn úıdi nesıelendirý baǵdarlamasy uzartylatyn boldy, dep habarlaıdy Almaty-akshamy.kz Ulttyq banktiń baspasóz qyzmetine silteme jasap.
«Qazaqstan Respýblıkasynyń Prezıdenti Toqaevtyń tapsyrmasy boıynsha «7-20-25» ıpotekalyq turǵyn úı kredıtteý baǵdarlamasyn iske asyrý jalǵastyrylady. Tıisti sheshim Qazaqstan Respýblıkasy Ulttyq banki basqarmasynyń 2022 jylǵy 19 jeltoqsandaǵy № 123 qaýlysymen qabyldandy», - delingen habarlamada.
Resmı málimet boıynsha, 2023 jyly baǵdarlama boıynsha kredıtteý úshin 100 mıllıard teńgege deıin qarajat bólý josparlanǵan. Baǵdarlama boıynsha jyl saıynǵy kredıtteýdiń naqty kólemi naryqtaǵy bankterdiń naryqtyq ıpotekalyq ónimderi men olardyń damýyna baılanysty belgilenedi dep kózdelip otyr.
«Jeńildetilgen kredıtteýmen azamattardy kóbirek qamtý maqsatynda baǵdarlamany iske asyrýdyń jekelegen talaptary qaıta qaraldy. Atap aıtqanda, árbir qaryz alýshy baǵdarlamaǵa bir ret qana qatysa alady. Baǵdarlama aıasynda beriletin ıpotekalyq turǵyn úı qaryzdarynyń parametrleri (bastapqy jarnanyń eń tómengi mólsheri, qaryzdyń eń joǵary somasy, syıaqy mólsherlemesi, qaryz merzimi, óńirler bóliginde satyp alynatyn turǵyn úıdiń eń joǵary quny jáne t.b.) ózgerissiz qalady», - delingen UB habarlamasynda.
2022 jylǵy 22 jeltoqsandaǵy jaǵdaı boıynsha, 852,2 mıllıard teńge kóleminde 64 146 jeńildetilgen qaryz berilgen.
Baǵdarlama jumys isteıtin azamattardy 20 paıyzdan bastap bastapqy jarnamen jyldyq 7 paıyz jeńildetilgen mólsherleme boıynsha 25 jylǵa deıingi merzimge qoljetimdi ıpotekamen qamtamasyz etý úshin 2018 jyly iske qosylǵan.