Talaptary qaıta qaralady
«7-20-25» turǵyn úı baǵdarlamasyn iske asyrý jalǵasady. Bul týraly QR Ulttyq bankiniń baspasóz qyzmeti málim etti, dep habarlaıdy Almaty-akshamy.kz İnform.kz-ke silteme jasap.
«Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha «7-20-25» ıpotekalyq turǵyn úı baǵdarlamasyn iske asyrý jalǵasatyn bolady. Tıisti sheshimdi Qazaqstan Respýblıkasy Ulttyq banki basqarmasynyń 2022 jylǵy 19 jeltoqsandaǵy № 123 qaýlysymen qabyldandy», - delingen UB málimetinde.
Atap aıtqanda, 2023 jyly baǵdarlama boıynsha nesıe berý úshin 100 mlrd teńgege deıin qarajat bólý josparlanyp otyr.
Jeńildetilgen tómen paıyzben nesıe berý arqyly azamattardy kóbirek qamtý maqsatynda baǵdarlamany iske asyrýdyń jekelegen talaptary qaıta qaraldy. Atap aıtqanda, árbir qaryz alýshy baǵdarlamaǵa bir ret qana qatysa alady.
«Baǵdarlama aıasynda beriletin ıpotekalyq turǵyn úı qaryzdarynyń parametrleri (bastapqy jarnanyń eń tómengi mólsheri, qaryzdyń eń joǵary somasy, syıaqy mólsherlemesi, qaryz merzimi, óńirler bóliginde satyp alynatyn turǵyn úıdiń eń joǵary quny jáne t.b.) ózgerissiz qalady», - dep naqtylady Ulttyq banktiń baspasóz qyzmeti.
Atalǵan baǵdarlama aıasynda 2022 jylǵy 22 jeltoqsandaǵy jaǵdaı boıynsha 852,2 mlrd teńge kóleminde 64 146 jeńildetilgen tómen paıyzben qaryz berildi.