Jyl sońynda qýanysh eselene tústi
Atalǵan páterler múmkindigi shekteýli búldirshinderdi tárbıelep otyrǵan otbasylar, júrgizýshi, qarapaıym jumysshylarǵa tabystaldy, dep habarlaıdy Almaty-akshamy.kz.
«Nurqazǵan» kenishinde júrgizýshi bolyp eńbek etetin Nartaı Ineıatov qalanyń qaq ortasynan oıyp turyp páter alǵanyna áli de sener emes. Birneshe jyl boıy Temirtaý qalasynda 4 balasymen úı jaldap, qınalyp kelgen. Onyń ústine úlken uly qant dıabetimen aýyratyndyqtan dárigerge qaralý úshin Qaraǵandyǵa jıi qatynaıdy eken. Endi ol beınetten qutyldy, emhana janynda. Tórt bólmeli baspananyń ishi jıhazben, turmystyq tehnıkamen túgel jabdyqtalǵan. Januıa jańa jyldy jańa úıde qarsy alady.
«Árıne, bulaı bolady dep kútken joqpyz. Tamasha, barlyq jaǵdaıymen. Óte ádemi. Jaqsy. Keń. Tórt bólme óte qatty unady. Balalardyń kóńilinen óte qatty qýanysh kórdim. Júgirip, qýanyp júr», - dedi Qaraǵandy qalasynyń turǵyny Nartaı Ineıatov.
Bul kúni birden 53 otbasy qýanyshqa keneldi. Baspanaǵa muqtaj, ári múmkindigi shekteýli búldirshinderdi tárbıelep otyrǵan januıalarǵa páter kiltterin kompanıa basshylary saltanatty jaǵdaıda tabystady. Qonystoı ıeleri Qaraǵandy, Balqash jáne Jezqazǵan qalalaryndaǵy «Qazaqmys» kompanıasyna qarasty óndiris oshaqtarynda eńbek etedi.