Perızat Qaırat isi boıynsha sotta prokýror aıyptalýshy qoǵam belsendisiniń urlanǵan iri somadaǵy qarajatty qaıda jumsaǵanyn aıtyp berdi, - dep habarlaıdy Aqshamnews.kz tilshisi.
Prokýror birqatar derekterdi jarıa etti. Onyń aıtýynsha, qylmystyq jolmen alynǵan aqshany zańdastyryp bolǵan soń, Perızat Qaırat pen anasy bul qarajattyń bir bóligin zańdy aınalymǵa engizip, qymbat jyljymaıtyn múlik, áshekeı buıymdar men lúks zattar satyp alǵan.
Mysaly:
-
2024 jylǵy 25 mamyrda Perızat Qaırat Astanadaǵy ROLEX BOUTIQUE dúkeninen 6 973 000 teńgege saǵat satyp alǵan.
-
4 mamyrda Akbulak Rivera turǵyn úı kesheninen 93 000 000 teńgege páterdi qolma-qol aqshaǵa alǵan. 5 mamyr men 26 tamyz aralyǵynda bul páterge 123 000 000 teńgege jóndeý jumystary jasalyp, ol da qolma-qol tólengen.
-
27 mamyrda Highvill Ishim Gold turǵyn úı kesheninen 205 000 000 teńgege páter men turaq orny satyp alǵan.
-
1 maýsymda Qaırat pen anasy Kókjaılaý 3 kesheninen 25 500 000 teńgege páter alǵan.
-
18 maýsymda Astana Motors Premium JSHS-nen LEXUS LX 600 kóligin 80 212 000 teńgege qolma-qol aqshaǵa satyp alǵan.
-
9 shildede North Star of Kazakhstan JSHS-nen Mercedes-Benz S 450 4MATIC kóligin 77 257 765 teńgege satyp alǵan. Onyń ishinde 20 mıllıon teńgeni esepshotqa aýdaryp, qalǵanyn qolma-qol tólegen.
-
16 shildede Qaırat Jasuzaqovtan 6 600 000 teńgege turaq ornyn satyp alǵan.
-
27 tamyzda Álimovten Vela Village kotej qalashyǵynan úı, qurylys jáne jer telimin 150 000 000 teńgege satyp alǵan.
-
3 qyrkúıekte Musag Astana JSHS-nen HAVAL H6 GT kóligin 13 570 000 teńgege alǵan.
Aıyptaýshy taraptyń málimetinshe, sý tasqyny kezinde urlanǵan aqshamen Qaırat pen anasy jalpy quny 671 382 000 teńge bolatyn múlik, sondaı-aq 158 289 365 teńgege áshekeı buıymdar men aksesýarlar satyp alǵan.
Tárkilengen 123 dana brend sómke, aıaq kıim men áshekeılerdiń jalpy baǵasy 152 870 806 teńge bolǵan. Bul zattar zardap shekkenderge kómek retinde jınalǵan qarajatqa alynǵan. Al Alashbaevadan tárkilengen 17 buıymnyń quny 5 418 559 teńge bolǵan.
Prokýror Arman Kezekenniń aıtýynsha, Qaırat pen Alashbaeva 2 860 047 926 teńgeniń urlanǵan somasynyń 1 036 994 900 teńgesin zańdastyryp, aınalymǵa engizgen.