Almatyda Dýlatı kóshesiniń bir bóligi ýaqytsha jóndeýge jabylady, - dep habarlaıdy aqshamnews.kz tilshisi.
Dýlatı kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
14 shilde saǵat 22:00-den 15 shildede saǵat 06:00-ge deıin «Tilek Tas» meıramhana kesheninen Naberejnaıa kóshesine deıingi aýmaqta qozǵalys jabylady.
Jóndeý júrip jatqan ýchaskede eskertý belgileri men merdiger uıym basshysynyń baılanys málimeti kórsetilgen aqparattyq taqtalar ornatylady. Osyǵan baılanysty, marshrýtyńyzdy aldyn ala josparlaýyńyzdy suraımyz.
Esterińizge sala keteıik, qozǵalysty shekteýge qatysty barlyq aqparat @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde jazylǵan.