Bul týraly QR Bilim jáne ǵylym mınıstrligi «Qarjy ortalyǵy» AQ basqarma tóraǵasy Asqar Ibraımov aıtty.
Elimizde stýdentter úshin jataqhanada 63 myńnan astam oryndy qamtamasyz etý kerek, dep habarlaıdy Almaty-akshamy.kz
«Stýdenttik jataqhanalardy salý jáne jańǵyrtýǵa toqtalsaq, 2018 jyly elimizdiń Tuńǵysh Prezıdenti Bes áleýmettik bastamasyn jarıalaǵan bolatyn, solardyń biri stýdent jastardyń ómir súrý jaǵdaılaryn jaqsartýǵa baǵyttalǵan. Osy mindetke qol jetkizý úshin jekemenshik sektordyń aýqymdy qatysýyn kózdeıtin memlekettik tapsyrysty ornalastyrý tetigi ázirlendi. Biz ınvestorlardy, jeke kásipkerlerdi memlekettiń qarjylyq qoldaýymen stýdenttik jataqhanalar qurylysyna qarjy salýǵa shaqyramyz. Bul proseske kezekti áleýmettik nysandy turǵyzý retinde emes, tabysty, turaqty jáne keleshegi mol bıznes-joba retinde áldeqaıda aýqymdy qaraýdy usynamyn. Ári osylaı aıtýǵa barlyq alǵysharttar bar», - dedi A.Ibraımov.
Onyń aıtýynsha, bul turǵyda joǵary suranys baıqalyp otyr. Óıtkeni, qazirgi kezde elimizde 63 myńǵa jýyq stýdent jataqhanadaǵy orynǵa muqtaj. Bul megapolısterden bastap oblystyq mańyzy bar qalalarǵa deıingi elimizdiń barlyq óńirlerine tán qajettilik. Aldaǵy ýaqytta stýdentter kontıngenti ósetin bolady. Álbette, bul jaǵdaı stýdenttik jataqhanalarǵa degen suranystyń artýyna áser etedi.