Sportshynyń aǵasy keshe ustalǵan.
Áleýmettik jelide Qyzylordadaǵy velosporttan oblystyq olımpıadalyq rezervtiń mamandandyrylǵan balalar-jasóspirimder mektebiniń dırektory Alekseı Ilınniń para berdi degen kúdikpen ustalǵany týraly aqparat taraýda, dep habarlaıdy Almaty-akshamy.kz Turkystan.kz silteme jasap.
Tanymal ziltemirshi aǵasy Alekseı Ilınniń 16 aqpanda ustalǵanyn, qazir onyń ızolátorda ekenin moıyndady.
«Aǵam týraly aqparatty men jaqynda bildim. Bul men úshin, otbasym úshin jaǵymsyz jańalyq boldy. Qazir bul másele týraly ashyq aıtý meniń quzyretim emes. Tergeý organdary aınalysyp jatyr. Aǵam ızolátorda, ol keshe ustaldy. Oǵan taǵylǵan aıyp boıynsha advokat jumys istep jatyr. Men onymen áli sóılesken joqpyn. Qazir búkil otbasymyzben ony kepilge shyǵaryp alýdy oılastyryp jatyrmyz», – dedi Ilá Ilın.