Atalǵan is boıynsha tergeý júrip jatyr.
Almaty qalalyq polısıa departamenti bastyǵynyń orynbasary Rýstam Ábdirahmanov "Qańtar oqıǵasy kezinde sherýshiler «eki polıseıdiń basyn kesti» degen aqparatty rastamady, dep habarlaıdy Almaty-akshamy.kz İnbusiness.kz saıtyna silteme jasap.
Buǵan deıin áleýmettik jelide Almaty polısıasy bastyǵynyń orynbasaryna «Qaza bolǵandardyń arasynda basy kesilgen polıseıler bar ma?» degen suraq qoıylǵan bolatyn.
Rýstam Ábdirahmanov: «Almatylyq polıseıler arasynda ondaı jaǵdaı bolǵan joq», - dep qysqa jaýap berdi. Keıinirek ol osy jaǵdaıǵa keńinen toqtaldy.
«Ulttyq ulanǵa, áskerlerge, Almaty oblysynyń polısıa departamentine jáne basqa da oblystyq bólimshelerge eshqandaı qatysym joq, sondyqtan barlyǵyna túsinikteme bere almaımyn. Keshe maǵan Almatyda basy kesilgen polıseılerge qatysty suraq qoıyldy. Almatyda qaza tapqan polıseılerdiń arasynda basy kesilgender joq, oqtan mert bolǵan qyzmetkerler bar, Almaty polısıa departamentiniń úsh qyzmetkeri qaıtys boldy. Sonymen qatar, qaıtys bolǵan basqa da kúsh qurylymdarynyń qyzmetkerleri bar, biraq mende olar týraly málimet joq, tergeý júrip jatyr», - dep jaýap berdi polısıa bastyǵynyń orynbasary.