Amerıka qurama shtattarynda 58 jastaǵy er adamnyń júregi tıtannan jasalǵan júrekpen alǵash ret sátti aýystyryldy, dep habarlaıdy aqshamnews.kz
Ǵalymdar alǵash ret adamǵa transplantasıalanǵan tıtan júreginiń qalaı jumys isteıtinin túsindirdi.
Bul jaıynda islam.kz portaly ScienceAlert aqparat kózine silteme jasaı otyryp málim etken. BiVACOR ázirlegen bul qurylǵy beriktigi men senimdiligi boıynsha álemde teńdesi joq ınovasıalyq ýaqytsha qan sorǵyshy bolyp tabylady. Temir adam fılmderindegideı kórinetin tıtan júrek shynaıy júrektiń soǵý yrǵaǵyn salmaıdy nemese ımıtasıalamaıdy. Ol magnıttik kóteriletin rotormen jabdyqtalǵan, naqty bir baılanyssyz jáne bólshekterdiń tozýynsyz qannyń úzdiksiz sorylýyn qamtamasyz etedi. Bul mehanızm aýyr júrek aqaýynan zardap shegetin naýqastarǵa donorlyq júrek salynǵansha, ıaǵnı, ýaqytsha paıdalanylady. Jasandy júrektiń negizin quraıtyn tıtan korozıaǵa jáne mehanıkalyq tozýǵa óte tózimdi.
Qurylǵy paıdalanýshy ózimen birge alyp júretin syrtqy qol kontrolleri arqyly qýat alady. Bul júıe pasıentterge transplantasıany kútý kezinde belsendi ómir saltyn saqtaýǵa múmkindik beredi. Bul qurylǵyny zertteý jáne synaý merzimi adamǵa alǵash ret ımplantasıalanǵan kezge deıin 10 jyl boıy jalǵasty. Donorlyq júrekti transplantasıalaýdan 8 kún buryn tıtan júregi pasıenttiń ómirlik mańyzdy fýnksıalaryn qamtamasyz etti. Bul jańalyq transplantasıa jáne kardıohırýrgıa salasyndaǵy mańyzdy jetistik boldy.