«Eńbek resýrstaryn damytý ortalyǵy» AQ bazasyndaǵy Áleýmettik-eńbek salasy máseleleri jónindegi baılanys ortalyǵy 2024 jyldyń basynan beri Qazaqstan azamattaryna 140 myńnan astam konsýltasıa ótkizdi.
Baılanys ortalyǵynyń qyzmetkerleri áleýmettik-eńbek salasynyń barlyq máselesi boıynsha tegin aqparattyq-keńes berý qyzmetterin, sondaı-aq aleumet.egov.kz áleýmettik qyzmetter, enbek.kz elektrondyq eńbek bırjasy, hr.enbek.kz eńbek resýrstary, skills.enbek.kz onlaın oqytý, business.enbek.kz kásipkerlik bastamalardy qoldaý, migration.enbek.kz kóshi-qon prosesteri boıynsha portal paıdalanýshylaryna tehnıkalyq qoldaý kórsetedi, dep habarlaıdy aqshamnews.kz Eńbek jáne halyqty áleýmettik qorǵaý mınıstrligine silteme jasap.
Budan basqa, baılanys ortalyǵynan «E-sobes» aqparattyq júıeleriniń, Eńbek sharttaryn esepke alýdyń biryńǵaı júıesiniń, Múgedektigi bar adamdardyń ortalyqtandyrylǵan derekqorynyń jumys prınsıpteri boıynsha aqparat alýǵa bolady.
Ótinishter kórsetilgen portaldarda mátindik formatta jáne biryńǵaı baılanys ortalyǵynyń 1414 nómiri boıynsha jumys kúnderi saǵat 09:00-den 18:30-ǵa deıin qabyldanady. Aıta ketý kerek, nómirdi tergennen keıin ótinish berýshini «Keńes» robotymen baılanystyrady, ol qazaq jáne orys tilderinde sondaı-aq qazaq-orys tilderin aralastyryp sóılep turǵanyn ajyrata alatyndaı etip ázirlengen. Baılanys ortalyǵynyń operatorymen qosylý úshin negizgi sózderdi aıtý qajet, atap aıtqanda: ataýly kómek, jumyspen qamtýǵa járdemdesýdiń belsendi sharalary, jumysqa ornalastyrý, eńbek sharttary zeınetaqy, járdemaqylar, ońaltý, sanatorıı jáne t. b. Nemese óz suraǵyńyzdy anyq jáne naqty aıtyńyz, mysaly, «Qate engizilgen eńbek shartyn qalaı joıýǵa bolady?», «Kýrstardyń avtory bolý úshin ne isteý qajet?», «Memlekettik grantty qalaı alýǵa bolady?» jáne t. b.
Baılanys ortalyǵy arqyly keńes berý úsh deńgeıli formatta jumys isteıdi.
1-jelide operatorlar júıege kelip túsken mátindik jáne daýystyq ótinishterdi tirkeıdi jáne olar boıynsha konsýltasıalar beredi, qajet bolǵan jaǵdaıda ótinishterdi 2-jelige baǵyttaıdy.
2-jelide taldaýshylar kelip túsken ótinishterdi tehnıkalyq qoldaý boıynsha taldaýdy, portaldarda jáne aqparattyq júıelerde derekterdi tekserýdi júzege asyrady. Bul kezeńde ótinishti óńdeý merzimi 2 jumys kúnine deıin sozylady. Qandaı da bir ózgerister nemese túzetýler engizý qajet bolǵan jaǵdaıda ótinish 3-jelige beriledi.
3-jelige ERDO departamentteriniń qyzmetkerleri bekitildi, olar suraý salýdy jabý jónindegi túsiniktemeni mindetti túrde kórsete otyryp, qajetti jumystardyń kúrdeliligine baılanysty 1-den 10 jumys kúnine deıingi merzimde suraý salýlardy pysyqtaýdy qamtamasyz etedi.
Máselen, 2024 jyly 140 myń konsýltasıanyń 116 myńy 1-jelide ótkizildi. 2-jelide tehnıkalyq qoldaýmen 21 myń ótinim jabyldy, al 3-jelide – 3 myń ótinim jabyldy.
Baılanys ortalyǵyna kóbinese zeınetkerler, múgedektigi bar azamattar, qyzmet nemese taýar jetkizýshiler, qamqorshylar, jumyssyzdar, áleýmettik kómek alýshylar, jumys izdeýshiler, jumys berýshiler júginedi.
Eń jıi qoıylatyn suraqatar: zeınetaqy men járdemaqy alý, jumys izdep júrgen adam retinde tirkelý, jumys oryndaryn sýbsıdıalaýǵa ótinim berý, elektrondyq eńbek shartyn tirkeý, Áleýmettik qyzmetter portalynda sanatorıılik-kýrorttyq emdeýdi jáne jeke kómekshi qyzmetin resimdeý jáne t.b.