2024 jyldyń basynan 32 gıdrotehnıkalyq qurylys komýnaldyq menshikten respýblıkalyq menshikke qaıtaryldy. Bul 31 sýarý kanaly men 1 bóget.
Atalǵan nysandardyń barlyǵy Jambyl oblysynda ornalasqan. Qazirgi ýaqytta elimizdiń basqa óńirlerindegi sý sharýashylyǵy nysandaryn respýblıkalyq menshikke qaıtarý boıynsha belsendi jumys júrgizilýde, dep habarlaıdy aqshamnews.kz Sý resýrstary jáne ırrıgasıa mınıstrligine silteme jasap.
«Mınıstrlik elimizdiń sý ınfraqurylymyn jaqsartý boıynsha jumysty bastady. Mysaly, Prezıdenttiń tapsyrmasy aıasynda 2030 jylǵa deıin sý sharýashylyǵy nysandaryn salý jáne rekonstrýksıalaý boıynsha keshendi jospar ázirlendi. Josparda 44 sý qoımasyn salý, 76 gıdrotehnıkalyq qurylysty, 5321 shaqyrymnan astam ırrıgasıalyq júıeni qaıta jańartý, sondaı-aq 3230 tik drenajdy uńǵyma burǵylaý kózdelgen. Búgingi tańda 114 joba boıynsha jobalyq-smetalyq qujattama ázirlendi»,- dedi Sý resýrstary jáne ırrıgasıa vıse-mınıstri Erbolat Ibraıhanov.