Bıylǵy sáýir meteorologıalyq baqylaýlar tarıhynda Soltústik jarty shardyń kóptegen elderindegi eń jyly aılardyń biri retinde tirkeldi.
«Qazgıdromet» RMK málimetinshe, onyń ishinde Qazaqstan da bar. Respýblıkanyń basym bóliginde ortasha aılyq aýa temperatýrasy ádettegiden 1-6 gradýsqa joǵary boldy, dep habarlaıdy Almaty-akshamy.kz.
Bir aı ishinde aýa temperatýrasy boıynsha rekordtar tirkeldi: 19 sáýirde Aqtaý meteorologıalyq stansıasynda absolúttik maksımým +30,1 gradýs boldy, osylaısha 2014 jylǵy rekord jańardy (+25,0 gradýs), Kókshetaý MS +26,3 gradýsqa deıingi jylý tirkelip, 2020 jylǵy absolút maksımýmnan (+24,2 gradýs) asty, Qostanaı MS aýanyń maksımal temperatýrasy +29,3 gradýs tirkeldi, bul 1982 jylǵy rekordtan joǵary boldy (+27,2 gradýs), Petropavl MS termometr baǵanasy +28,0 gradýsqa jetip, 1982 jylǵy rekordty (+25,0 gradýs) almastyrdy.
«Sáýirdiń úshinshi onkúndiginiń basynda elimizdiń basym bóliginde joǵary temperatýra saqtaldy, Qazaqstan qalalarynda jańa rekordtar tirkeldi. Máselen, 21 sáýirde Aqtaýda +31,5 gradýs baıqaldy, osylaısha 1975 jylǵy rekord jańardy (+29,0 gradýs), Petropavlda aýa temperatýrasy +28,8 gradýsqa deıin kóterildi, bul 1982 jylǵy absolút maksımýmnan (+26,9 gradýs) asty, 22 sáýirde Atyraýda termometr baǵanasy +31,2 gradýs belgisine deıin kóterildi osylaısha, 2012 jylǵy rekord jańardy (+29,5 gradýs), Oralda absolút maksımým +28,4 gradýs boldy, osylaısha 1967 jylǵy rekord jańardy (+27,8 gradýs), Jezqazǵanda aýanyń maksımal temperatýrasy +27,7 gradýs boldy, osylaısha, 2023 jylǵy rekord (+26,1 gradýs) ózgerdi, 27 sáýirde Aqtaýda rekord kórsetkish +30,7 gradýsqa deıin jetti, 1989 jyly +27,3 gradýs boldy», -dedi meteorologtar.