Abaı dańǵylyndaǵy aıaldamada jolaýshylardyń toptalýyna qatysty Qalalyq mobıldilik basqarma túsinikteme berdi, dep habarlaıdy almaty-akshamy.kz
Buǵan deıin habarlanǵandaı, Qalalyq mobıldilik basqarmasynyń tapsyrmasyna sáıkes Kólik holdıńi suranysqa ıe ýchaskelerdi anyqtaý jáne tıisti sharalar qabyldaý úshin jolaýshylar aǵynyna qatysty analız júrgizýde.
Bul ýchaskede №55, №49, №142, №78 jáne №110 marshrýttar júredi.
Jolaýshylardyń eń kóp bóligi №55 jáne №49 marshrýttarda tirkelgen. Jolaýshylar aǵynyn saraptaýdyń aldyn ala qorytyndysyna sáıkes Qalalyq mobıldilik basqarmasy tasymaldaýshylarmen birlese otyryp atalǵan marshrýttardy qarbalas ýaqytta kúsheıtý týraly shuǵyl sheshim qabyldady. 12 qyrkúıekten bastap №55 marshrýtqa qosymsha 6 avtobýs shyǵarylady.
Osylaısha, 18 avtobýstyń júrý jıiligi 11 mınýttan 7 mınýtqa deıin qyrqarady dep kútilýde. №49 marshrýtta qarbalas ýaqytta 8 avtobýstyń ornyna 12 avtobýs qyzmet kórsetetin bolady. Bul shara avtobýsty kútý ýaqytyn 13 mınýttan 7-8 mınýtqa deıin azaıtady dep kútilýde.