Tártip saqshylarynyń aıtýynsha, 33 jastaǵy A. esimdi azamat, kóshede ótip bara jatqan adamdarǵa jaqyndap, qońyraý shalyp alýyn suraǵan.
Senim bildirgen azamattar jas jigittiń ótinishinen bas tartqan joq. Qolyna telefondy alǵan jas jigit qashyp ketken, sodan keıin ol ony arzan baǵamen qaıta satqan, dep habarlaıdy Almaty-akshamy.kz Polisia.kz-ke silteme jasap.
– Jedel-izdestirý sharalary barysynda kúdikti ustaldy. Qazir onyń qatysýymen eki alaıaqtyq deregi anyqtaldy. Osy epızodtar boıynsha sotqa deıingi tergeýdiń biryńǵaı tizilimine QR QK-niń 190-baby (Alaıaqtyq) boıynsha, ıaǵnı aldaý jáne senimge kirý arqyly birneshe ret bótenniń múlkin zańsyz ıemdený boıynsha qylmystyq is tirkeldi, – dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.